ఎలుకల( Rats ) రెట్టలు, విషం కలిపిన ఆహారాన్ని విక్రయించినందుకు యూకే కోర్టు ఎన్నారైకి షాకిచ్చింది.ఆ షాప్‌కీపర్ 120 గంటలపాటు జీతం లేకుండా పని చేయాలని, 1,544 పౌండ్ల జరిమానా చెల్లించాలని ఆదేశించింది.
వివరాల్లోకి వెళ్తే, అవతార్ సింగ్ (39) బర్మింగ్హామ్( Birmingham )లోని తన సొంత స్టోర్ డైమండ్ డ్రింక్స్‌ సేల్ చేస్తున్నాడు.వాటిలో ఏడు అపరిశుభ్రంగా ఉన్నాయి.
అలాంటి వాటిని అమ్ముతున్న నేరాన్ని అంగీకరించాడు.
గత ఏడాది అక్టోబర్‌ 25న సోహో రోడ్‌లోని సింగ్ దుకాణాన్ని తనిఖీ చేసిన సిటీ కౌన్సిల్‌ అధికారులు ఈ నేరాలను గుర్తించారు.ఎలుకలను చంపడానికి ఉపయోగించే ఒక రకమైన విష ఆహారం, ఎలుక మూత్రం, ర్యాట్ కిల్ కేక్ ప్యాకెట్ల వంటి ఎలుక ఉనికిని తెలిపే ఆధారాలు కనుగొన్నారు.దుకాణం మురికిగా ఉందని, నిర్వహణ సరిగా లేదని, ఎలుకలు ప్రవేశించడానికి వీలుగా నిర్మాణంలో ఖాళీలు ఉన్నాయని, చేతులు కడుక్కోవడానికి పదార్థాలు లేవని అధికారులు గుర్తించారు.
ఆహారం వండే పరికరాలను శుభ్రం చేయలేదని, వ్యర్థాలను ఓపెన్ డబ్బాలో నిల్వ చేశారని తెలుసుకున్నారు.
ఇవన్నీ ఆధారాలు సమర్పించగా సింగ్‌కు బర్మింగ్హామ్ మేజిస్ట్రేట్ కోర్టు 120 గంటల జీతం లేని పనిని పూర్తి చేయాలనే నిబంధనతో 12 నెలల కమ్యూనిటీ ఆర్డర్‌ను విధించింది.అతను 1,430 పౌండ్లు, 114 పౌండ్ల విక్టిమ్ సర్‌చార్జి చెల్లించాలని కూడా కోర్టు ఆదేశించింది.అప్పటి నుండి దుకాణం యాజమాన్యాన్ని మార్చింది, ఇన్స్పెక్టర్లకు దీన్ని తరచుగా చెక్ చేస్తున్నారు.
ఇది ఫుడ్ స్టాండర్డ్స్ ఏజెన్సీ ( FSA ) నుండి 5కి 1 రేటింగ్‌ను అందుకుంది, అంటే పరిశుభ్రత ప్రమాణాలకు అనుగుణంగా దీనికి పెద్ద మెరుగుదలలు అవసరం.
