విదేశాల్లో భారతీయ విద్యార్ధుల మరణాలు.. ఐదేళ్లలో అంతమందా..?

గడిచిన ఐదేళ్ల కాలంలో దాదాపు 633 మంది భారతీయ విద్యార్ధులు విదేశాల్లో ప్రాణాలు కోల్పోయినట్లు కేంద్ర ప్రభుత్వం ప్రకటించింది.పార్లమెంట్ సమావేశాల్లో భాగంగా శుక్రవారం లోక్‌సభలో కేంద్ర విదేశీ వ్యవహారాల శాఖ సహాయ మంత్రి కీర్తి వర్ధన్ సింగ్( Kirti Vardhan Singh ) ఈ మేరకు గణాంకాలు వెల్లడించారు.172 కేసులతో ఈ లిస్టులో కెనడా( Canada ) అగ్రస్థానంలో ఉండగా.అమెరికాలో( America ) 108, యూకేలో 58 , ఆస్ట్రేలియాలో 57, రష్యాలో 37, ఉక్రెయిన్‌లో 18, జర్మనీలో 24, జార్జియా, కిర్గిస్తాన్, సైప్రస్‌లలో 12, చైనాలో 8 మంది విద్యార్ధులు మరణించినట్లు పేర్కొన్నారు.అలాగే 19 మంది భారతీయ విద్యార్ధులు దాడుల్లో చనిపోయినట్లు మంత్రి తెలిపారు.

ఈ తరహా ఘటనల్లో కెనడాలో 9 మంది, అమెరికాలో ఆరుగురు విద్యార్ధులు ప్రాణాలు కోల్పోయినట్లు కీర్తి వర్ధన్ చెప్పారు.

మంత్రిత్వ శాఖ వద్ద అందుబాటులో ఉన్న సమాచారం ప్రకారం సహజ మరణాలు, ప్రమాదాలు, వైద్య పరిస్ధితులు సహా వివిధ కారణాల వల్ల ఐదేళ్లలో విదేశాలలో భారతీయ విద్యార్ధుల మరణాలు చోటు చేసుకుంటున్నాయని కేంద్ర మంత్రి వెల్లడించారు.విదేశాలలో ఉన్న భారతీయ విద్యార్ధుల భద్రత తమ ప్రభుత్వ ప్రాధాన్యతలలో ఒకనటి ఆయన తెలిపారు.విదేశాల్లోని భారతీయ మిషన్లు/ పోస్టులు విదేశాల్లోని యూనివర్సిటీల్లో చేరిన భారతీయ విద్యార్ధులతో టచ్‌లో ఉంటున్నాయని కీర్తి వర్ధన్ పేర్కొన్నారు.