రాజన్న సిరిసిల్ల జిల్లా ఎల్లారెడ్డిపేట మండలంలో గ్రామపంచాయతీ కార్మికులు చేపట్టిన సమ్మె నేటికీ 8వ రోజుకు చేరుకుంది.ఈ సమ్మెలో భాగంగా ఈరోజు గ్రామపంచాయతీ కార్మికులు కళ్ళకు గంతలు కట్టుకొని నిరసన కార్యక్రమం చేపట్టారు.
ఈ సందర్భంగా వారు మాట్లాడుతూ గ్రామపంచాయతీ కార్మికులను రెగ్యులర్ చేయాలని, కార్మికులకు జీతం పెంచాలని, దీనస్థితిలో బతుకుతున్న తమ జీవితాలను గుర్తించి తమ న్యాయమైన డిమాండ్లను పరిష్కరించాలని ఈ సందర్భంగా ప్రభుత్వాన్ని డిమాండ్ చేశారు.
లేనిపక్షంలో జిల్లా వ్యాప్తంగా పెద్ద ఎత్తున నిరసన కార్యక్రమాలు చేపడతామని హెచ్చరించారు.
ఈ కార్యక్రమంలో గ్రామ పంచాయతీ కార్మికుల జిల్లా అధ్యక్షులు రేసు రాజయ్య, మండలం అధ్యక్షులు జక్కుల మహేందర్, ప్రధాన కార్యదర్శి శ్రీనివాస్, ఉపాధ్యక్షులు రామ్ దాస్, శ్రీధర్, భారతి, లక్ష్మి, నరసయ్య, దేవయ్య, వివిధ గ్రామాల గ్రామపంచాయతీ కార్మికులు పాల్గొన్నారు.
