ప్రస్తుతం లోకంలో జరుగుతున్న ప్రమాదాలు ప్రజల జీవితానికి సవాల్‌గా మారాయి.ఇప్పటికే కరోనా కంటి మీద కునుకు లేకుండా చేస్తుండగా అగ్ని ప్రమాదాలు కూడా ఇదే తీరుగా ఎదురవుతున్నాయి.
నిత్యం ఎక్కడో ఒకచోట ఈ అగ్ని ప్రమాదాలు చోటు చేసుకుంటున్న విషయాన్ని గమనిస్తూనే ఉన్నాం కదా.
ఇకపోతే ఈ మహానగరం హైదరాబాద్‌లో అగ్ని ప్రమాదాలు సంభవిస్తే ముందుగా ప్రాణ నష్టం కంటే ఆస్తి నష్టం ఎక్కువగా చోటు చేసుకున్న సంఘటనలు ఇదివరకు చూసే ఉంటాం.అప్పుడప్పుడు మాత్రం తీవ్ర ప్రాణ నష్టం కలుగుతుంది.ఇకపోతే తాజాగా హైద‌రాబాద్‌లోని నారాయ‌ణ‌గూడలోని అవంతి న‌గ‌ర్‌లో ఓ ఇంట్లో అర్ధ‌రాత్రి స‌మయంలో ఊహించని విధంగా అగ్నిప్రమాదం సంభవించింది.
ఒక్క‌సారిగా మంట‌లు చెల‌రేగి ఆ ప్రాంతం మొత్తం ద‌ట్ట‌మైన పొగ‌లు క‌మ్ముకోవడంతో స్దానికులు భయాందోలనకు గురైయ్యారట.
ఇక ఈ ప్రమాద సమాచారం అందుకున్న పోలీసులు వెంటనే స్పందించి మంటల్లో చిక్కుకున్న ఐదుగురిని కాపాడి స‌మీపంలో ఉన్న ఆసుప‌త్రికి త‌ర‌లించారుట.
కానీ ఒక‌రు మృతి చెందార‌ని పోలీసులు పేర్కొన్నారు.ఇక ఈ ప్రమాదం ఎలా సంభవించిందనే కారణాలు తెలియరాలేదు.
