ఏపీ సీఎం జగన్ ను ఏఏజీ పొన్నవోలు సుధాకర్ రెడ్డి కలిశారు.ఈ మేరకు టీడీపీ అధినేత చంద్రబాబు కేసు వివరాలను పొన్నవోలు సీఎం జగన్ కు వివరించారని తెలుస్తోంది.
స్కిల్ డెవలప్ మెంట్ స్కాం కేసులో పొన్నవోలు సుధాకర్ రెడ్డి సీఐడీ తరపున వాదిస్తున్న సంగతి తెలిసిందే.అయితే ప్రస్తుతం చంద్రబాబుకు హౌస్ రిమాండ్ పిటిషన్ పై విజయవాడ ఏసీబీ కోర్టులో పొన్నవోలు వాదనలు వినిపిస్తున్నారు.
కాగా లండన్ పర్యటనకు వెళ్లిన సీఎం జగన్ ఈ ఉదయమే తిరిగి తాడేపల్లికి చేరుకున్నారు.ఈ క్రమంలో చంద్రబాబు కేసు వివరాలను ఆయన తెలుసుకున్నారని సమాచారం.
ఇవాళ రాష్ట్రంలోని ప్రస్తుత పరిస్థితులతో పాటు శాంతిభద్రతల విషయంపై అధికారులతో సీఎం జగన్ చర్చించనున్నారని తెలుస్తోంది.
