కన్నడ హీరో రిషబ్ శెట్టి నటించిన కాంతార సినిమా దేశవ్యాప్తంగా ఎంతో పేరు ప్రఖ్యాతలు సంపాదించుకుంది ప్రస్తుతం ఎవరి నోట వెంట చూసినా కాంతార సినిమా పేరు వినపడుతుంది.ఇప్పటికే ఈ సినిమా అన్ని భాషలలో ప్రదర్శితమవుతూ ఎంతో అద్భుతమైన విజయాన్ని సొంతం చేసుకోగా ఎంతో మంది సినీ సెలబ్రిటీలు ఈ సినిమా పై స్పందిస్తూ పెద్ద ఎత్తున ప్రశంసల వర్షం కురిపిస్తున్నారు.
ఇకపోతే ఈ సినిమాపై ప్రముఖ దర్శకుడు రామ్ గోపాల్ వర్మ స్పందించారు.
ఈ సందర్భంగా రామ్ గోపాల్ వర్మ స్పందిస్తూ ఈ సినిమాపై ప్రశంసల వర్షం కురిపించడమే కాకుండా ఇండస్ట్రీలో స్టార్ ప్రొడ్యూసర్ల పై డైరెక్టర్లకు తనదైన శైలిలో సెటైర్లు వేస్తూ ఈయన చేసినటువంటి కామెంట్స్ వైరల్ అవుతున్నాయి.
ఈ సందర్భంగా ఈ సినిమా విజయం పై స్పందించిన వర్మ ముందుగా చిత్ర బృందానికి శుభాకాంక్షలు తెలియజేస్తూ… కన్నడ మూవీ కాంతార సినిమా కలెక్షన్ల సునామి సృష్టిస్తుందని తెలిపారు.భాషతో సంబంధం లేకుండా అన్ని ప్రాంతాలలో సక్సెస్ టాక్ సొంతం చేసుకుంది.
![Telugu Kantara, Ram Gopal Varma, Rishabh Shetty, Verma-Movie Telugu Kantara, Ram Gopal Varma, Rishabh Shetty, Verma-Movie](https://telugustop.com/wp-content/uploads/2022/10/satires-on-the-producers-verma-Rishabh-Shetty-Kantara-movie.jpg )
ఇక ఈ సినిమా రాబడుతున్న కలెక్షన్లు చూసి పెద్ద పెద్ద నిర్మాతలు డైరెక్టర్లకు నిద్ర పట్టడం లేదు.అంటూ ఇండస్ట్రీలో ఉన్నటువంటి స్టార్ ప్రొడ్యూసర్లకు డైరెక్టర్లకు తనదైన శైలిలో పంచ్ వేయడమే కాకుండా ఇలాంటి ఓ గొప్ప సినిమాని అందించినందుకు నటుడు రిషబ్ శెట్టి కి ధన్యవాదాలు తెలిపారు.మొత్తానికి వర్మ ఈ సినిమాపై ప్రశంసలు కురిపిస్తూనే కొంతమంది దర్శక నిర్మాతలకు తనదైన శైలిలో పంచ్ ఇచ్చాడని చెప్పాలి.