స్టార్ నటి డ్రెస్సింగ్ గురించి రిపోర్టర్ ప్రశ్న.. స్ట్రాంగ్ వార్నింగ్ ఇచ్చిన కంగనా!

బాలీవుడ్ ఫైర్ బ్రాండ్, కాంట్రవర్సి క్వీన్ కంగనారనౌత్ గురించి ప్రత్యేకంగా చెప్పాల్సిన పనిలేదు.ఈమె నిత్యం ఏదో ఒక వివాదంతో వార్తల్లో ఉంటారు.

ఈ విధంగా సోషల్ మీడియా వేదికగా ఏదో ఒక విషయంపై స్పందిస్తూ వార్తల్లో నిలిచే ఈ ముద్దుగుమ్మను బాలీవుడ్ ఇండస్ట్రీ ఏకంగా ఫైర్ బ్రాండ్ అనే పేరుతో పిలుస్తున్నారు.నిత్యం ఏదో ఒక విషయం ద్వారా వార్తల్లో ఉండే కంగనా రౌనత్ తాజాగా రిపోర్టర్ పై తీవ్రస్థాయిలో ఆగ్రహం వ్యక్తం చేయడం ప్రస్తుతం చర్చనీయాంశంగా మారింది.

ఈమె ప్రస్తుతం వరుస సినిమాలతో ఎంతో  బిజీగా ఉండటమే కాకుండా మొట్ట మొదటిసారిగా ఒక కార్యక్రమానికి వ్యాఖ్యాతగా వ్యవహరిస్తున్నారు.

ఇలా కంగనారనౌత్ బుల్లితెరపై సందడి చేయబోతున్నారని తెలియడంతో ఈ కార్యక్రమంపై ప్రతి ఒక్కరు ఎన్నో అంచనాలు పెట్టుకున్నారు.

ఇక త్వరలోనే ఈ కార్యక్రమం ప్రసారం కానున్న నేపథ్యంలో పెద్ద ఎత్తున ఈ కార్యక్రమ ప్రమోషన్ కార్యక్రమాలను చేపట్టారు.ఈ క్రమంలోనే ఓ ఇంటర్వ్యూలో పాల్గొన్న కంగనారనౌత్ రిపోర్టర్ పై ఆగ్రహం వ్యక్తం చేయాల్సిన పరిస్థితి ఏర్పడింది.

ఈ కార్యక్రమంలో భాగంగా ఒక రిపోర్టర్ ‘గెహ్రాయాన్’ సినిమా ప్రమోషన్స్‌లో దీపికా డ్రెస్సింగ్ గురించి ప్రశ్నించారు.ఇలా ఆ నటి గురించి అడగడంతో మరొకసారి ఈమె ఫైర్ అయ్యారు.

ఈ సందర్భంగా కంగనా మాట్లాడుతూ… చూడండి తమని తాము రక్షించుకోలేని వారి కోసమే నేను ఇక్కడ ఉన్నాను… తనకి తనని ఎలా రక్షించుకోవాలో బాగా తెలుసు కనుక తన సినిమాను ఇక్కడ ప్రమోట్ చేయాలని చూడకండి అంటూ రిపోర్టర్ పై పెద్దఎత్తున ఆగ్రహం వ్యక్తం చేసింది.అయితే కంగనా ఉద్దేశాన్ని గ్రహించిన రిపోర్టర్ మరోసారి మాట్లాడుతూ.నేను తన సినిమాని ప్రమోట్ చేయాలనేది నా ఉద్దేశం కాదని చెప్పినప్పటికీ ఆ రిపోర్టర్ మాటలని కంగనా ఏ మాత్రం అంగీకరించలేదు.

ఈ సందర్భంగా మాట్లాడుతూ అది నిజం కాదు మీరు దీపికా నటించిన సినిమా పేరును కూడా ప్రస్తావించారు.అదే విధంగా తన తరువాత చిత్రం గురించి మాట్లాడారు.నిజం చెప్పాలంటే మీరు చెప్పిన సినిమా పిఆర్‌లు మిమ్మల్ని నాశనం చేస్తున్నారు.

మరీ నేనేమంత అమాయకురాలిని కాదు.గత 45 నిమిషాలుగా నేను మీతోనే మాట్లాడుతున్నాను.

కాబట్టి ఈ విషయాన్ని తర్వాత చూసుకుందాం…అంటూ సదరు రిపోర్టర్ కు కంగనా స్ట్రాంగ్ వార్నింగ్ ఇచ్చారు.ఇక ఈమె వ్యాఖ్యాతగా వ్యవహరించబోతున్న ఆ కార్యక్రమం ఎలా ఉండబోతుంది అనే విషయం గురించి చర్చలు మొదలవడమే కాకుండా, ఈ కార్యక్రమం కోసం ప్రతి ఒక్కరు ఎంతో ఆతృతగా ఎదురుచూస్తున్నారు.