రౌడీ హీరో విజయ్ దేవరకొండ నటిస్తున్న తాజా చిత్రం ‘వరల్డ్ ఫేమస్ లవర్’ ప్రస్తుతం శరవేగంగా షూటింగ్ జరుపుకుంటోంది.ఈ సినిమాతో విజయ్ దేవరకొండ మరోసారి అదిరిపోయే సక్సె్స్‌ను అందుకోవడానికి రెడీ అయ్యాడు.
ఈ సినిమాలో విజయ్ ఏకంగా నలుగురు హీరోయిన్లతో రొమాన్స్ చేస్తుండటంతో ఈ సినిమాపై భారీ అంచనాలు ఏర్పడ్డాయి.ఇక ఈ సినిమాలో అందాల భామలు రాశి ఖన్నా, కేథరిన్ త్రేసా, ఐశ్వర్య రాజేశ్‌లు మెయిన్ హీరోయిన్లుగా నటిస్తోండగా, ఓ ఫారిన్ బ్యూటీ కూడా నటిస్తోంది.
ఈ సినిమా ఫస్ట్ లుక్ పోస్టర్స్ ఇప్పటికే ప్రేక్షకుల్లో పాజిటివ్ వైబ్స్‌ను క్రియేట్ చేయగా ఈ సినిమాలో కేథరిన్ త్రేసాతో విజయ్ దేవరకొండ చేసే రొమాన్స్ ఓ రేంజ్‌లో ఉండబోతుందని చిత్ర యూనిట్ తెలిపింది.వీరిద్దరి మధ్య నడిచే రొమాన్స్‌ను ‘బొగ్గు గనిలో’ అనే పాటలో మనకు చూపించనున్నారు చిత్ర యూనిట్.
గోపీ సుందర్ అందిస్తున్న సంగీతం ఈ సినిమాకు మేజర్ ప్లస్ పాయింట్ కానున్నట్లు తెలుస్తోంది.కాగా ఈ పాటకు సంబంధించిన లిరికల్ వీడియో సాంగ్‌ను జనవరి 29న సాయంత్రం 4.05 నిమిషాలకు మనముందుకు వదలనున్ననారు చిత్ర యూనిట్.
ఏదేమైనా అర్జున్ రెడ్డి రొమాన్స్‌ను మించి ఈ సినిమాలో మనకు రొమాన్స్ చూపంచనున్నాడట విజయ్ దేవరకొండ.
ఈ సినిమాను క్రాంతి మాధవ్ డైరెక్ట్ చేస్తుండగా క్రియేటివ్ కమర్షియల్స్ బ్యానర్‌పై కెఎస్ రామారావు సమర్పణలో వల్లభ నిర్మిస్తున్నారు.ఈ సినిమాను ప్రేమికుల రోజు కానుకగా ఫిబ్రవరి 14న రిలీజ్ చేసేందుకు చిత్ర యూనిట్ రెడీ అయ్యారు.
