పట్టుదల లోపించిన పసుపు సైన్యం?

పార్టీ పట్ల నిరాసక్తత తో ఉన్నారా ? లేక ప్రభుత్వ దూకుడుకు భయపడుతున్నారో తెలియదు గానీ చంద్రబాబు( Chandrababu Naidu ) అరెస్ట్ తదనంతర పరిణామాలలో కార్యకర్తల స్పందన చాలామంది రాజకీయ పరిశీలకులను ఆశ్చర్యపరిచింది.తమ పార్టీ అధినేతను అరెస్టు చేశారన్న ఆక్రోదన అయితే కనిపించింది కానీ తమ సంఘటిత శక్తిని చూపించాలన్న పట్టుదల మాత్రం కార్యకర్తలలో కనిపించలేదు.ఒక సాధారణ ఎంపీని అరెస్టు చేయనివ్వకుండా కార్యకర్తలు భారీ ఎత్తున అడ్డుపడుతున్నారంటూ సిబిఐ( CBI ) కంప్లైంట్ చేసిన చరిత్ర ఈ రాష్ట్రంలో ఉంది.

అలాంటప్పుడు ఒక పార్టీ అధినేతను అరెస్టు చేస్తే కనీస పోరాటపటము కూడా చూపించకుండా నిష్క్రియా పర్వానికి తెలుగుదేశం శ్రేణులు లోనయ్యారన్న విశ్లేషణలు వస్తున్నాయి.ఒకరకంగా జన సైనికుల తెగింపు చూసి తెలుగుదేశం కార్యకర్తలు నేర్చుకోవాలంటూ సోషల్ మీడియా వేదికగా అనేకమంది వ్యాఖ్యానించారు.

హైదరాబాదు నుంచి రోడ్డు మార్గంలో వస్తున్న పవన్ కళ్యాణ్ ని( Pawan Kalyan ) అడ్డుకోవడానికి పోలీస్ శాఖ రెండు మూడుసార్లు తీవ్రంగా ప్రయత్నించినప్పటికీ ,అర్ధరాత్రి వేళ ఆడా ,మగ తేడా లేకుండా కార్యకర్తల రోడ్డుపైకి వచ్చి పోలీసులను నిరోధించిన తీరు కానీ, నిరసన వ్యక్తం చేసిన పద్ధతి గాని తెలుగుదేశం శ్రేణులకు నేర్చుకోవాల్సిన పాఠం గానే మిగిలింది అన్నది కొంతమంది వాదన .జనసైనికులు నిరసనలతో వెనక్కి తగిన పోలీసులు చివరకు వారే కాన్వాయ్ గా వచ్చి పవన్ను మంగళగిరి ఆఫీసులో వదిలిపెట్టారు.దీనిని బట్టి రాజకీయ కార్యకర్తలు చూపించాల్సిన పట్టుదల ఏ స్థాయిలో ఉండాలో జనసేన( Janasena ) పాఠం నేర్పినట్టు అయ్యింది .మరి ఇప్పటికైనా ప్రభుత్వ చర్యలపై పసుపు సైన్యం గట్టిగా పోరాడుతుందో లేదో చూడాలి.