చూస్తుండగానే ఆవిరైపోయిన ఆస్తులు.. ప్రపంచ కుబేరుడు సర్‌ రిచర్డ్‌కి మిగిలిందిదే!

కాలిఫోర్నియాకు చెందిన వర్జిన్ ఆర్బిట్ అనే రాకెట్ తయారీ సంస్థ కొన్ని వారాల క్రితం కార్యకలాపాలను నిలిపివేపింది.

తర్వాత దాని యజమాని దివాలా కోర్టులో రక్షణ కోసం చాప్టర్ 11 బ్యాంక్‌రప్టసీ దాఖలు చేశారు.

బ్రిటీష్ బిలియనీర్ సర్ రిచర్డ్ బ్రాన్సన్( Richard Branson ) యాజమాన్యంలోని స్పేస్ టూరిజం కంపెనీ వర్జిన్ గెలాక్టిక్‌ నుంచి సెపరేట్‌గా వర్జిన్ ఆర్బిట్ కంపెనీ 2017లో ప్రారంభమైంది.వర్జిన్ ఆర్బిట్ లాంచర్‌వన్ రాకెట్‌( Virgin Orbit )ను అభివృద్ధి చేయడానికి, మార్కెటింగ్ చేయడానికి బాధ్యత వహిస్తుంది.

ఇది ఇప్పటివరకు ఆరు మిషన్‌లను ప్రదర్శించింది.వాటిలో నాలుగు సక్సెస్ అవుతే, రెండు ఫెయిల్ అయ్యాయి.

కొత్త పెట్టుబడిని పొందలేకపోవడం వల్ల కంపెనీ 2023, ఏప్రిల్ 4న ఆపరేషన్స్‌ ఆగిపోయాయి.దివాలా కోసం దాఖలు చేసినప్పటికీ కొనుగోలుదారుని కనుగొనాలని వర్జిన్ ఆర్బిట్ భావిస్తోంది.

ఇక లాంచర్‌వన్ లేటెస్ట్ మిషన్ 2023, జనవరిలో యూకేలోని కార్న్‌వాల్ నుంచి తొమ్మిది ఉపగ్రహాలతో నింగిలోకి ఎగిరింది.అయితే, రాకెట్ రెండవ దశలో ఇంజన్‌లో మంట రాజుకుంది.

దీని వల్ల రాకెట్, అది మోసుకెళ్తున్న ఉపగ్రహాలను కంపెనీ కోల్పోయింది.ఇది యూకే నుంచి ప్రయోగించిన మొదటి ఉపగ్రహ మిషన్, కానీ అది విఫలమైంది.

దాంతో సర్‌ రిచర్డ్‌ బ్రాన్సన్ కంపెనీలో పెట్టిన ఆస్తులన్నీ కరిగిపోయాయి.