టాలీవుడ్ ఐకాన్ స్టార్ అల్లు అర్జున్ గురించి ప్రత్యేకంగా పరిచయం అక్కర్లేదు.ఇటీవల పుష్ప సినిమాతో పాన్ ఇండియా స్టార్ గా కూడా మారాడు అల్లు అర్జున్.
పుష్ప సినిమాతో అల్లు అర్జున్ క్రేజ్ మరింత పెరిగింది.ఇకపోతే అల్లు అర్జున్ ప్రస్తుతం పుష్ప పార్ట్ 2 పై దృష్టి పెట్టాడు.
ఒకవైపు సినిమాల్లో నటిస్తూనే మరోవైపు పలు రకాల యాడ్స్ లో నటిస్తున్నాడు ఐకాన్ స్టార్.ఇప్పటికే పలు రకాల కంపెనీలకు బ్రాండ్ అంబాసిడర్ గా వ్యవహరిస్తున్న విషయం తెలిసిందే.
తాజాగా మరో కంపెనీ అల్లు అర్జున్ కు భారీ ఆఫర్ ఇచ్చిందట.అయితే ఆ భారీ ఆఫర్ ను అల్లు అర్జున్ తిరస్కరించడంతో బన్నీ అభిమానులు అతని పై ప్రశంసల వర్షం కురిపిస్తున్నారు.
వివరాల్లోకి వెళితే.
ప్రముఖ పొగాకు కంపెనీ వారి ప్రకటన లో నటించడానికి అల్లుఅర్జున్ ను సంప్రదించగా అందుకు అల్లు అర్జున్ నో చెప్పాడు అని సన్నిహిత వర్గాల నుంచి సమాచారం.
అంతేకాకుండా వారి ప్రకటనల్లో నటించేందుకు గాను సదరు పొగాకు కంపెనీ అల్లు అర్జున్ కు భారీ మొత్తంలో రెమ్యునరేషన్ ఇవ్వడానికి కూడా సిద్ధంగా ఉందట.కానీ అల్లు అర్జున్ మాత్రం పొగాకు ఆరోగ్యానికి హానికరం అని, అలాంటి ఉత్పత్తులను తాను ప్రమోట్ చేయనని సదరు కంపెనీకి చెప్పాడట.
అంతేకాకుండా తాను ధూమపానం చేయని అలాంటప్పుడు ఇతరులను ఆ బ్రాండ్ ను వినియోగించడం నేను ఎలా చెప్పగలను అని బదులిచ్చాడట.
అంతేకాకుండా తాను ఈ ప్రకటనను ప్రమోట్ చేయడం వల్ల అది తన ఫ్యాన్స్ ని తప్పుదారి పట్టిస్తుందని, అందువల్ల ఆ ప్రకటనలో తాను నటించలేను అని బన్నీ ఆ ఆఫర్ ను తిరస్కరించినట్లు తెలుస్తోంది.అల్లు అర్జున్ కోట్లాది ప్రజలు, తన ఫ్యాన్స్ ఆరోగ్యాన్ని దృష్టిలో పెట్టుకొని కోట్ల రూపాయల ఆఫర్ ను తిరస్కరించడంతో అల్లు అర్జున్ అభిమానులు అతని పై ప్రశంసల వర్షం కురిపిస్తున్నారు.ఇది ఇలా ఉంటే ఇటీవలే అల్లు అర్జున్ 40 వ వసంతంలోకి అడుగు పెట్టిన విషయం తెలిసిందే.
ఇకపోతే ప్రస్తుతం అల్లు అర్జున్ పుష్ప పార్ట్ 2 షూటింగ్ లో పాల్గొన్నట్లు సమాచారం.
తెలుగు వార్త విశేషాలు సులభముగా తెలుసుకోండి!!!!
