విక్టరీ వెంకటేష్ ప్రస్తుతం తమిళ సూపర్ హిట్ మూవీ ‘అసురన్’ను తెలుగులో ‘నారప్ప’ అనే టైటిల్‌తో తెరకెక్కిస్తున్నాడు.దర్శకుడు శ్రీకాంత్ అడ్డాల డైరెక్షన్‌లో తెరకెక్కుతున్న ఈ సినిమాపై ఇండస్ట్రీ వర్గాలతో పాటు ప్రేక్షకుల్లో కూడా మంచి అంచనాలు క్రియేట్ అయ్యాయి.
ఇక ఈ సినిమాతో మరోసారి వెంకీ తన సక్సెస్ ట్రాక్‌ను కంటిన్యూ చేయాలని చూస్తున్నాడు.కాగా ఈ సినిమా తరువాత వెంకీ తన నెక్ట్స్ చిత్రాలను కూడా లైన్‌లో పెట్టే పనిలో పడ్డాడు.
ఇప్పటికే దర్శకుడు అనిల్ రావిపూడి డైరెక్షన్‌లో రానున్న ఎఫ్3 చిత్రంలో నటించేందుకు వెంకీ రెడీ అయ్యాడు.అటు మరో యంగ్ డైరెక్టర్ తరుణ్ భాస్కర్‌తో వెంకీ ఓ సినిమా చేసేందుకు సిద్ధమవుతున్నట్లు గతకొంత కాలంగా వార్తలు వస్తున్నాయి.
ఇక తాజాగా మరో డైరెక్టర్ నక్కిన త్రినాథరావు డైరెక్షన్‌లో రాబోయే ఓ కంప్లీట్ కామెడీ ఎంటర్‌టైనర్ మూవీలో నటించేందుకు కూడా వెంకీ రెడీ అవుతున్నాడట.ఇప్పటికే ఈ కథకు సంబంధించిన స్క్రిప్టు పనులు పూర్తయ్యాయని, త్వరలోనే వెంకీకి దీన్ని వినిపించి ఓకే చేయించుకునేందుకు త్రినాథరావు సిద్ధమవుతున్నాడు.
ఒక్కసారి ఈ కథకు వెంకీ గ్రీన్ సిగ్నల్ ఇవ్వగానే పట్టాలెక్కించేందుకు చిత్ర యూనిట్ రెడీ అవుతోంది.ఈ సినిమాను సురేష్ ప్రొడక్షన్స్ బ్యానర్‌పై డి.
సురేష్ బాబు ప్రొడ్యూస్ చేయనున్నట్లు తెలుస్తోంది.ఇక నారప్ప చిత్రాన్ని వీలైనంత త్వరగా ముగించి రిలీజ్ చేయాలని వెంకీ చూస్తున్నాడు.
ఈ సినిమాలో ప్రియమణి హీరోయిన్‌గా నటిస్తోన్న సంగతి తెలిసిందే.ఈ సినిమా పూర్తి మాస్ యాక్షన్ ఎంటర్‌టైనర్‌గా రానుండటంతో ప్రేక్షకులు ఈ సినిమాను ఎప్పుడెప్పుడు చూద్దామా అని ఆసక్తిగా ఎదురుచూస్తున్నారు.
