ప్రపంచంలో అత్యంత ఎత్తైన శివుడి విగ్రహం ఎక్కడ ఉందో తెలుసా..?

సాధారణంగా మనం ఏదైనా శివాలయాలకు వెళ్ళినప్పుడు మనకు ఎక్కువభాగం ఆ పరమ శివుడు లింగరూపంలోనే దర్శనమిస్తాడు.

ఏవో కొన్ని ప్రాంతాలలో మినహా మిగతా అన్ని దేవాలయాలలో శివుడు లింగరూపంలోనే కొలువై ఉంటాడు.

ఈ విధంగా ఒక్కో ఆలయంలో ఉన్న శివుడికి ఒక్కో ప్రత్యేకత ఉంటుంది.కానీ ఇప్పుడు మనం ప్రపంచంలో కెల్లా ఎత్తైన శివుడి విగ్రహం గురించి ఇక్కడ తెలుసుకుందాం.

ఎత్తయిన శివుడి విగ్రహం ఎక్కడ ఉంది? ఆ విగ్రహం విశిష్టత? ఆవిర్భావం ఏమిటి? అనే విషయాల గురించి ఇక్కడ తెలుసుకుందాం.కర్ణాటకలోని హోనావర్‌ పట్టణం దగ్గర్లో శ్రీ మురుడేశ్వర ఆలయం ఉంది.

ఈ ఆలయంలో ప్రపంచంలో కల్లా ఎంతో ఎత్తయిన శివుడి విగ్రహం మనకు దర్శనమిస్తుంది.ఇక్కడ 123 అడుగుల ఎత్తుగల శివుడి విగ్రహం మనకు కనబడుతుంది.

పురాణాల ప్రకారం రావణాసురుడు అత్యంత శివభక్తుడు అనే విషయం మనకు తెలిసిందే.ఆ విధంగా శివుడి పై ఉన్న భక్తితో శివుని కోసం తపస్సు చేసి శివుడి నుంచి ఆత్మలింగాన్ని వరంగా పొందుతాడు.

కానీ శివుడు ప్రసాదించిన ఆత్మలింగం ఎలాంటి పరిస్థితులలో కూడా భూమిమీద పెట్టకూడదనే శరతుతో శివుడు ఆత్మలింగాన్ని రావణాసురుడికి ఇస్తాడు.