వాలంటీర్ల కు విరుగుడు మంత్రం “కుటుంభ సారధులు”

అయితే వచ్చే ఎన్నికలలో వాలంటీర్ వ్యవస్థకు విరుగుడు మంత్రం తయారు చేయకపోతే ఎన్నికల ఎదుర్కోవడం కష్టమని భావిస్తున్న ప్రధాన ప్రతిపక్షం తెలుగుదేశం ఇప్పుడు కుటుంభ సారధులు( Kutumba Saradhulu ) పేరుతో తన ప్రైవేట్ సైన్యాన్ని నియమించుకొనున్నట్లు తెలుస్తుంది.దాదాపు ఆరు లక్షల మందిని రాష్ట్రవ్యాప్తంగా సెప్టెంబర్ నాటికి ఎంపిక చేసి వారిని ప్రజల వద్దకు అభిప్రాయ సేకరణకు పంపించాలని ప్రతిపక్ష పార్టీ భావిస్తుంది .ప్రజల ఆలోచనలు అభిప్రాయాలను కూలంకషంగా సేకరించి తెలుగుదేశం పార్టీ లక్ష్యాలను అధికారంలోకి వస్తే చేయబోయే అభివృద్ధిని వివరించడం ఈ కుటుంభ సారధుల బాధ్యతగా తెలుస్తుంది.నామమాత్రపు జీతాలు కూడా ఈ కుటుంబ సారధులకు ఇవ్వబోతున్నట్లుగా ప్రచారం జరుగుతుంది.

ముల్లును ముల్లుతోనే తీయాలన్నట్టుగా ఏ వాలంటీర్ వ్యవస్థను అయితే తన ప్రైవేటు సైన్యంగా అధికార పార్టీ ఉపయోగించుకుంటుందో అలాంటి ప్రైవేటు సైన్యాన్ని తాము కూడా ఏర్పాటు చేసుకుని అధికార పార్టీ ఆటకట్టించాలన్నట్లుగా తెలుగుదేశం ప్రయత్నిస్తున్నట్లుగా తెలుస్తుంది.

దాంతో వచ్చే రోజుల్లో రాజకీయ సమీకరణాలు వాలంటీర్లు vs కుటుంబ సారధులు గా మారిపోయే అవకాశం కనిపిస్తుంది.మరి మూడో ప్రత్యామ్నాయంగా దూసుకొస్తున్న జనసేన ఈ విషయంలో ఎలాంటి నిర్ణయాలు తీసుకుంటుందో చూడాలి

.