జగన్ ఢిల్లీ టూర్ ! అందరికీ టెన్షనే ?

ఈరోజు ఢిల్లీలో కేంద్ర బిజెపి పెద్దలతో జగన్ ప్రత్యేకంగా భేటీ కానున్నారు.వ్యక్తిగత పర్యటన నిమిత్తంలో జగన్ అక్కడి నుంచి రాగానే ఢిల్లీకి వెళ్తుండడంతో కేంద్ర బిజెపి పెద్దలే జగన్ ను రావలసిందిగా ఆదేశించారా లేక ,  చంద్రబాబు అరెస్ట్ ( Chandrababu arrested )నేపథ్యంలో జగన్ కేంద్ర బీజేపీ పెద్దలతో ఆ అంశం చర్చించేందుకు ఢిల్లీకి వెళ్తున్నారా అనేది తేలాల్సి ఉంది.ప్రస్తుతం దేశంలో జమిలి ఎన్నికల కు సంబంధించిన హడావుడి జరుగుతుంది.18 నుంచి పార్లమెంట్ ప్రత్యేక సమావేశాల నేపథ్యంలో జగన్ ఢిల్లీకి వెళ్తుండడం వెనుక కారణం అయ్యి ఉండొచ్చనే అనుమానాలు కలుగుతున్నాయి.లోక్ సభ,  అసెంబ్లీకి ఒకేసారి ఎన్నికల నిర్వహించాలని కేంద్రం భావిస్తుంది.

 ఏపీ ప్రభుత్వానికి జూన్ వరకు గడువు ఉండడంతో ముందస్తు ఎన్నికలకు వెళ్లాలా లేక సాధారణ ఎన్నికలకు వెళ్లాలా అనే సందిగ్ధం లో జగన్ ( CM jagan )ఉన్నారు.పార్లమెంట్ ప్రత్యేక సమావేశాల్లో  ఈ బిల్లు గనుక పెడితే వైసీపీ మద్దతు కోసం  పిలిచి ఉండవచ్చే అనుమానాలు కూడా ఉన్నాయి.జగన్ బహిరంగంగా ఎక్కడ స్పందించలేదు.

కేంద్ర బీజేపీ పెద్దలు సూచనలతోనే చంద్రబాబు అరెస్ట్ జరిగిందనే ప్రచారం జరుగుతున్న నేపథ్యంలో ఇప్పుడు కేంద్ర బిజెపి పెద్దలతో జగన్ భేటీ కాబోతుండడం ఉత్కంఠ రేపుతోంది.