హమాస్‌కు విద్యార్ధుల మద్ధతు .. కరెక్ట్ కాదన్న భారత సంతతి రచయిత సల్మాన్ రష్డీ

ప్రస్తుతం గాజాలో అమాయకుల మరణాల సంఖ్యను చూస్తే ఏ మనిషైనా బాధపడాల్సి వుంటుందన్నారు.హమాస్ ఒక ఉగ్రవాద సంస్థ అన్న సల్మాన్ రష్డీ .యువత, ప్రగతిశీల విద్యార్ధి రాజకీయాలు ఓ ఫాసిస్ట్ ఉగ్రవాద గ్రూపుకు మద్ధతు ఇవ్వడం విచిత్రంగా ఉందని అభిప్రాయపడ్డారు.గాజాలో మరణాలకు భావోద్వేగ ప్రతిస్పందన వుందన్న ఆయన కానీ అది సెమిటిజం వైపు కొన్నిసార్లు హమాస్‌కు మద్ధతుగా మారినప్పుడు సమస్యాత్మకమవుతుందన్నారు.

రష్డీ వ్యాఖ్యలు విస్తృత చర్చకు దారితీశాయి.కాగా.సల్మాన్ రష్డీ 1988లో రచించిన ‘‘ ది సాటానిక్ వెర్సెస్( The Satanic Verses )’’ కోట్లాది మంది ముస్లింలను , ఇస్లాంను, మొహ్మద్ ప్రవక్తను కించపరిచేలా వుందని ఆయనపై ముస్లిం దేశాలు ఆగ్రహం వ్యక్తం చేశాయి.

కానీ ఈ విషయాన్ని ఇరాన్ మాత్రం సీరియస్‌గా పరిగణించింది.నాటి ఆ దేశ అధినాయకుడు అయతోల్లా రుహోల్లా ఖొమేనీ .సల్మాన్ ‌ను హతమార్చాల్సిందిగా ఫత్వా జారీ చేశారు.దీంతో సల్మాన్ రష్డీ కొన్నేళ్ల పాటు అజ్ఞాతంలోకి వెళ్లిపోయారు.

దశాబ్ధాలు గడవటంతో, సల్మాన్ ప్రాణాలకు ముప్పు ముగిసిపోయిందని.ఫత్వా కేవలం పబ్లిసిటీ స్టంట్ మాత్రమేనని భావిస్తోన్న తరుణంలో రష్డీపై గతేడాది జరిగిన దాడి యావత్ ప్రపంచాన్ని నివ్వెరపరిచింది.