టాలీవుడ్ నందమూరి తారకరత్న గత నెల ఫిబ్రవరి 18న మహాశివరాత్రి పండుగ రోజు తుది శ్వాస విడిచిన విషయం తెలిసిందే.తారకరత్న మరణ వార్తను అభిమానులు కుటుంబ సభ్యులు జీర్ణించుకోలేకపోతున్నారు.
కుటుంబ సభ్యులు బరువెక్కిన గుండెలతో ఇప్పటికే చిన్న కర్మ కార్యక్రమం పూర్తి చేయగా తాజాగా 11వ రోజు కావడంతో పెద్దకర్మ కార్యక్రమాన్ని చేశారు.కానీ తారకరత్న మరణ వార్తను మాత్రం కుటుంబ సభ్యులు మాత్రం ఇప్పటికీ జీర్ణించుకోలేకపోతున్నారు.
ఇకపోతే తాజాగా జరిగిన ఈ పెద్దకర్మ కార్యక్రమాన్ని బాలకృష్ణ దగ్గర ఉండి చూసుకున్నట్టు తెలుస్తోంది.
ఈ నేపథ్యంలోనే తారకరత్న పెద్దకర్మకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి.నారా చంద్రబాబు నాయుడు, విజయసాయి రెడ్డి, బాలకృష్ణ , నందమూరి కళ్యాణ్ రామ్, ఎన్టీఆర్ ఇంకా ఇతర ప్రముఖులు పెద్ద కర్మకు హాజరై తారకరత్నకి నివాళుళు అర్పించారు.వీరితో పాటుగా సినిమా ఇండస్ట్రీ నుంచి మరికొందరు సెలబ్రిటీలు హాజరయ్యారు.
ఈ నేపథ్యంలోనే టాలీవుడ్ వివాదాస్పద నటి కరాటే కళ్యాణి కూడా తారకరత్న పెద్ద కర్మకి హాజరైంది.అయితే ఆమె తారకరత్న పెద్ద కర్మ గురించి, బాలకృష్ణ గురించి మాట్లాడుతూ సోషల్ మీడియాలో షాకింగ్ పోస్ట్ చేసింది.
ఈ పోస్ట్ ప్రస్తుతం వివాదంగా మారుతోంది.
ఆ పోస్ట్ లో ఆమె ఈ విధంగా రాసుకు వచ్చింది.తారకరత్న పెద్ద కర్మకి హాజరయ్యాను.ఈ కార్యక్రమాన్ని బాలయ్య బాబు, ఆయన సతీమణి వసుంధర దగ్గరుండి చూసుకున్నారు.
తారకరత్నని మరచిపోవడం చాలా కష్టంగా అనిపించింది.ఆయన ఆత్మకి శాంతి చేకూరాలని ప్రార్థించాను అని రాసుకొచ్చింది.
అయితే ఇంతవరకు బాగానే ఉన్నా తర్వాత కూడా ఆమె కొన్ని కామెంట్స్ కూడా చేసింది.పెద్ద కర్మలో బాలయ్య బాబు ఇటు రా అమ్మా అని పక్కనే కూర్చోబెట్టుకుని ఆప్యాయంగా మాట్లాడారు.
తొందర్లోనే మోక్షజ్ఞ సినిమా ప్రారంభం అవుతుంది.ఆదిత్య 369 సీక్వెల్ ఆదిత్య 999లో మోక్షజ్ఞ నటిస్తాడు అని బాలయ్య బాబు చెప్పడం చాలా సంతోషాన్ని కలిగించింది.
అని తన పోస్ట్ లో రాసుకొచ్చింది కరాటే కళ్యాణి.ఇక ఆ పోస్ట్ ని చూసిన నెటిజెన్స్, నందమూరి అభిమానులు మండిపడుతున్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
