పితృ పక్షంలో మగవారు ఈ పనులు అస్సలు చేయకూడదు..?

పితృపక్షం అంటే మన పూర్వీకులకు పెద్దవారి కోసం 15 రోజుల పాటు పూజలు చేయడానికి పితృపక్షం అంటారు.

ఈ పదిహేను రోజులలో ఏదో ఒకరోజు మనం చనిపోయిన మన వంశస్థులను, మన పూర్వీకులను స్మరించుకునే వారికోసం ఈ పితృ పక్షంలో పూజలు నిర్వహిస్తారు.

ప్రతి ఏడాది భాద్రపద మాసంలో వచ్చే పౌర్ణమి నుంచి అమావాస్య వరకు ఉన్న కాలాన్ని పితృపక్షం అంటారు.మరి ఈ ఏడాది సెప్టెంబర్ 21 వ తేదీ నుంచి పితృపక్షం ప్రారంభం కానుంది.

ఎంతో పవిత్రమైన ఈ పితృపక్షంలో మన పెద్దలను స్మరించుకుంటాము కనుక 15 రోజులు ఎంతో నియమ నిష్టలను పాటించాల్సి ఉంటుంది.మరి ఈ పదిహేను రోజులు ఏ పనులు చేయకూడదో ఇక్కడ తెలుసుకుందాం.

ఈ పితృపక్షంలో మనం చనిపోయిన పెద్ద వారిని పూజించి వారికి శార్డం పెట్టడం వల్ల వారి ఆత్మ సంతోషించి మన పై ఉన్నటువంటి పితృ దోషాలు తొలగిపోతాయని పండితులు చెబుతున్నారు.ఈ విధమైనటువంటి పితృపక్షంలో మగవారు ఎలాంటి పరిస్థితులలోకూడా జుట్టు కత్తిరించుకోవడం, షేవింగ్ చేసుకోవడం వంటివి చేయకూడదు.

ఎందుకంటే ఈ 15 రోజులను సంతాప దినాలుగా భావిస్తారు కనుక జుట్టు కత్తిరించుకోకూడదని పండితులు చెబుతున్నారు.అదేవిధంగా పితృపక్షం ముగిసేవరకు కుటుంబంలో ఎవరూ కూడా కొత్త బట్టలను ధరించకూడదు.

ఈ పితృపక్షంలో కుటుంబంలో ఏ విధమైనటువంటి శుభకార్యాలను చేయకూడదు అలాగే కొత్త వాహనాలను, కొత్త ఇంటిని కొనుగోలు చేయకూడదు.అలాగే ఈ పదిహేను రోజులు పూర్తిగా సాత్విక ఆహారం తీసుకోవడం ఎంతో ఉత్తమం.ఎవరు కూడా చికెన్ మటన్ ఉల్లిపాయ వెల్లుల్లి వంటి ఆహార పదార్థాలను తీసుకోకూడదు.

ఇంటిలో పూర్తిగా బ్రహ్మచర్యం పాటించడం వల్ల ఆ కుటుంబంపై ఉన్నటువంటి పితృ దోషాలు తొలగిపోతాయి.ఇలా ఈ పితృపక్ష కాలంలో ఒక రోజు మన పెద్దవారికి పూజలు చేసి శార్థం పెట్టడం వల్ల పితృ దోషాలు తొలగిపోయి వారి ఆత్మకు కూడా శాంతి కలుగుతుందని పండితులు చెబుతున్నారు.