భజన ఎందుకు చేయాలి? ఏం వస్తుంది?

భజన వల్ల మనసు, నాడీవ్యవస్థ ఉత్తేజితమవుతాయని ప్రతీతి.సామూహికంగా భగవంతుడి నామావళిని లయబద్ధంగా గొంతు కలిపినపుడు మనసు అలౌకిక ఆనందంలో తేలుతుందట.పది మందితో కలిసినపుడు తాత్కాలికంగా సమస్యలన్నీ మరచి, భగవంతున్ని భజించడం వల్ల మానసిక, శారీరక ప్రశాంతత కలుగుతుంది.

అలసటను మరచిపోయి నూతన ఉత్తేజం పొంది ఉత్సాహవంతులమవుతామట.పాటలకు అనుగుణంగా తాళం వేయడం, పాడే వారితో గొంతు కలిపి, భక్తిపారవశ్యంలో ఓలలాడటం ద్వారా మానసికానందంలో మునిగి తేలుతారు.

భజనవల్ల హృదయస్పందన బాగుంటుంది.గుండె పనితీరు మెరుగుపడుతుంది.

దురాలోచనలు దూరమై, చైతన్యం పెరుగుతుంది.రెండుచేతులూ కలవడం వల్ల నాడులు ఉత్తేజమవుతాయి.

మెదడు చురుగ్గా పనిచేస్తుంది.అంతేకాదండోయ్.

భజన వల్ల ముక్తి, పుణ్యం కూడా కల్గుతుంది.గుడికి వెళ్తూ పూజ చేస్తే వచ్చే పుణ్యం భజనలో పాల్గొన్నా.

వారు పాడుతున్న పాటలు విన్నా కల్గుతుందని చెబుతుంటారు పెద్దలు.