వైరల్: రెప్పపాటు వ్యవధిలో పిల్లాడిని కాపాడిన వ్యక్తి... సూపర్ మ్యాన్ అంటూ నెటిజన్లు!

వైరల్ వీడియోలకు కేరాఫ్ అడ్రెస్ సోషల్ మీడియా.ఇక్కడ ప్రతిరోజూ లక్షల సంఖ్యలో వీడియోలు పోస్ట్ అవుతూ ఉంటాయి.

ఎన్ని వీడియోలు అప్లోడ్ అయినా, కొన్ని మాత్రమే వాటి ప్రత్యేకతను చాటుకుంటాయి.ఇంకా అందులో మరికొన్ని చాలా ప్రత్యేకతని సంతరించుకుంటాయి.

అవును, ఇపుడు అలాంటి కోవకు చెందిన ఒక వీడియో నెటిజన్ల మనసులను గెలుచుకుంది.నేటి జీవితం నల్లేరు మీద నడకవంటిది.

ఎప్పుడు ఏం జరుగుతుందో ఎవ్వరికీ తెలియదు.రెప్పపాటులో ప్రాణాలు కోల్పోతుంటారు.

ముఖ్యంగా రోడ్డుపైన జరిగే ప్రమాదాల గురించి ప్రత్యేకంగా చెప్పాల్సిన పనిలేదు.ప్రస్తుతం అలాంటి ఓ ప్రమాదానికి సంబంధించిన వీడియో ఒకటి వైరల్ అవుతోంది.

సదరు వీడియోని ఒకసారి గమనిస్తే, ఆ రోడ్డుపై ఓ ముగ్గురు నలుగురు పాదచారులు నడుచుకుంటూ వెళ్లడం చాలా స్పష్టంగా కనిపిస్తుంది.ఇంతలో ఓ బైక్‌ హఠాత్తుగా వచ్చి రోడ్డు దాటుతోన్న పిల్లాడిని ఢీ కొట్టబోతుంది.

ఇంతలో అటుగా వెళ్తున్న పాదచారుల్లో ఒకతను రెప్పపాటులో పిల్లాడిని సింగిల్‌ హ్యాండ్‌తో ఎత్తి పక్కకు లాగేస్తాడు.దాంతో పెనుప్రమాదం తప్పింది.