యూకే : భారతీయ విద్యార్ధిని హత్య కేసు.. నిందితుడికి మానసిక వ్యాధి , ఆసుపత్రిలో నిర్బంధం

గతేడాది జూన్ 13న ఉదయం వెంబ్లీలోని నీల్డ్ క్రెసెంట్‌లో కత్తిపోట్లు జరిగినట్లు పోలీసులకు సమాచారం అందడంతో హత్య కేసు దర్యాప్తు ప్రారంభించారు.లండన్ అంబులెన్స్ సర్వీస్‌తో పాటు అధికారులు ఘటనాస్థలికి చేరుకున్నారు.హైదరాబాద్‌కు చెందిన 27 ఏళ్ల తేజస్విని, మరో 28 ఏళ్ల వయసున్న మహిళ కత్తి గాయాలతో బాధపడుతున్నట్లు గుర్తించారు.

వైద్య సిబ్బంది ఎంత ప్రయత్నించినా తేజస్విని( Konatham Tejaswini Reddy ) ప్రాణాలు కాపాడలేకపోయారు.ఆమె మరణవార్తను పోలీసులు కుటుంబ సభ్యులకు తెలియజేశారు.మరుసటి రోజు లండన్ నార్త్‌విక్ పార్క్ మార్చురీలో నిర్వహించిన పోస్ట్‌మార్టం పరీక్షలో తేజస్విని మృతికి ఛాతీపై కత్తిగాయమే కారణమని తేలింది.

కత్తి దాడికి గురైన రెండవ బాధితురాలి పేరు అఖిలగా తెలుస్తోంది.ఆమె కూడా భారతదేశానికి చెందినవారేనని సమాచారం.

ఇండియన్ నేషనల్ స్టూడెంట్ అసోసియేషన్ (ఎన్ఎస్ఏ) ప్రకారం తేజస్విని పూర్తి పేరు .తేజస్విని కొంతంరెడ్డి.ఇటీవల దక్షిణ లండన్‌లోని గ్రీన్‌విచ్ యూనివర్సిటీ నుంచి ఆమె పట్టభద్రురాలైంది.

పోస్ట్ స్టడీ వర్క్ వీసాను పొందేందుకు ప్రయత్నిస్తూ.నార్త్ లండన్‌లో ఉద్యోగం సంపాదించిన తర్వాత వెంబ్లీలోని ఫ్లాట్‌కు ఇటీవలే మారింది.