వికేంద్రీకరణకు మద్ధతుగా యువకుడు ఆత్మహత్యాయత్నం..

విశాఖ రాజధాని కావాలంటూ వికేంద్రీకరణకు మద్ధతుగా ఓ యువకుడు ఆత్మహత్యాయత్నానికి పాల్పడ్డాడు.ఈ ఘటన అనకాపల్లి జిల్లా చోడవరంలో జరిగింది.

దీంతో ఆ ప్రాంతంలో స్వల్ప ఉద్రిక్తత నెలకొంది.వికేంద్రీకరణకు మద్ధతుగా ఎమ్మెల్యే, ప్రభుత్వ విప్ కరణం ధర్మశ్రీ బైక్ ర్యాలీ నిర్వహించారు.

ఈ ర్యాలీలో పాల్గొన్న ఓ యువకుడు బైకుకు నిప్పుపెట్టాడు.అనంతరం తాను కూడా పెట్రోల్ పోసుకుని ఆత్మహత్యాయత్నానికి ప్రయత్నించాడు.

వెంటనే గమనించిన పోలీసులు యువకుడిని అడ్డుకోవడంతో ప్రాణాపాయం తప్పింది.కాగా జై విశాఖ, జై జై విశాఖ నినాదాలతో ర్యాలీ మారు మ్రోగింది.