సూపర్ స్టార్ మహేష్ బాబు ఈ మధ్య కాలంలో సోషల్ మీడియా లో రెగ్యులర్ గా ట్వీట్స్‌ వేస్తున్నాడు.ఎప్పటికప్పుడు ట్వీట్స్‌ వేస్తూ అభిమానులతో టచ్లో ఉంటున్నాడు.
ఇంతకు ముందు నెలకు ఒకటి రెండు కూడా ట్వీట్ వేయని మహేష్ బాబు ఇప్పుడు రెగ్యులర్ గా సందర్భానుసారం ట్విట్టర్ లో యాక్టివ్ గా ఉంటున్నాడు.ఇతర హీరోల గురించి ఇతర హీరోల సినిమాల గురించి హీరోయిన్స్ గురించి సామాజిక అంశాల గురించి ప్రభుత్వాల గురించి మహేష్ బాబు ట్విట్టర్ లో తన స్పందన తెలియజేస్తూ ఉన్నాడు.తాజాగా మహేష్ బాబు అండర్ 19 టీమిండియాకు ఆల్ ది బెస్ట్ చెప్తూ ట్వీట్ చేశాడు.అండర్-19 ప్రపంచకప్ జరుగుతున్న విషయం తెలిసిందే.అందులో భాగంగా ఇండియన్ కుర్రాళ్ళు ఫైనల్ మ్యాచ్ ఆడేందుకు సిద్ధమయ్యారు.ఒక్కో విజయం సాధించుకుంటూ ఫైనల్ వరకు చేరిన కుర్రాళ్ళ టీమిండియాకు మహేష్ బాబు తో పాటు దేశ వ్యాప్తంగా క్రికెట్ అభిమానులు ఆల్ ది బెస్ట్ చెబుతున్నారు.
మహేష్ బాబు ట్విట్టర్ ద్వారా కుర్రాళ్ళకు ఆల్ ది బెస్ట్ చెబుతూ ట్రోఫీ తో రావాలంటూ సూచించాడు.మహేష్ బాబు ట్వీట్ తో ప్రస్తుతం కుర్ర టీమిండియా కు తెగ శుభాకాంక్షలు అందుతున్నాయి.
ఇప్పటి వరకు ప్రదర్శించిన ఆట తీరును ప్రదర్శించి ఫైనల్ లో ఆడితే ఖచ్చితంగా ప్రపంచ కప్ టీమ్ ఇండియా కుర్రాళ్ళ సొంతం అవుతుంది అంటూ క్రికెట్ విశ్లేషకులు అభిప్రాయం వ్యక్తం చేస్తున్నారు.ఇక మహేష్ బాబు సినిమాల విషయానికి వస్తే సర్కారు వారి పాట సినిమా షూటింగ్ లో అతి త్వరలోనే జాయిన్ అయినందుకు సిద్ధమవుతున్నాడు.
ఇదే సమయంలో మాటల మాంత్రికుడు త్రివిక్రమ్ శ్రీనివాస్ దర్శకత్వం లో కూడా మహేష్ బాబు ఒక సినిమాలో చేయబోతున్నాడు.ఇటీవలే ఈ సినిమా పూజా కార్యక్రమాలు లాంఛనంగా జరిగాయి.నమ్రతా శిరోద్కర్ కార్యక్రమానికి హాజరైంది.ఇక త్రివిక్రమ్ మహేష్ బాబు సినిమా కు పూజా హెగ్డే హీరోయిన్ గా ఎంపిక అయ్యింది.ఆమె కూడా పూజా కార్యక్రమాల్లో పాల్గొన్న విషయం తెలిసిందే.త్రివిక్రమ్ తన గత సినిమాల మాదిరిగానే ఈ సినిమాకు కూడా ‘అ’ సెంటిమెంట్ ఫాలో అయి టైటిల్ ను ఖరారు చేయబోతున్నట్లు గా సమాచారం అందుతోంది.
