గణేష్ కు 1,10,000 రూపాయల విరాళాలు

రాజన్న సిరిసిల్ల జిల్లా : కిడ్నీల వ్యాధితో బాధపడుతున్న చందుర్తి గ్రామానికి చెందిన గొల్లపల్లి గణేష్ కు చందుర్తి స్పోర్ట్స్ క్లబ్ ఆధ్వర్యంలో విరాళాలు సేకరించి బుధవారం స్పోర్ట్స్ క్లబ్ చైర్మన్ మహమ్మద్ అజీమ్, సభ్యులు, గ్రామస్తుల సమక్షంలో గణేష్ కు 1,10,000 నగదును అందజేయడం జరిగింది.

ఈ సందర్భంగా స్పోర్ట్స్ క్లబ్ చైర్మన్ మహమ్మద్ అజీమ్ మాట్లాడుతూ.

ఉపాధి కోసం గల్ఫ్ దేశం వెళ్లి అనారోగ్యంతో ఇండియాకు తిరిగివచ్చి అప్పుల పాలైన గణేష్ను ప్రభుత్వం ఆదుకోవాలని, గణేష్ చికిత్స కోసం ప్రభుత్వం పూర్తి బాధ్యత వహించాలని ఈ సందర్భంగా ప్రభుత్వాన్ని కోరారు.గణేష్ కిడ్నీల వ్యాధితో బాధపడుతున్నాడని సోషల్ మీడియా వేదికగా వైరల్ చేయడంతో స్పందించిన దాతలు రెండు రోజుల్లోనే 1,10,000 గణేష్ ఆరోగ్యం కోసం విరాళాలు ఇచ్చిన దాతలకు పేరుపేరునా ధన్యవాదాలు తెలిపారు.

ఈ కార్యక్రమంలో స్పోర్ట్స్ క్లబ్ సభ్యులు మహమ్మద్ జాకీర్, ఓరగంటి విజయ్, మేడిశెట్టి మధు, ఒరగంటి రాజేశం, గ్రామస్తులు ఒరగంటి దేవయ్య, లింగంపల్లి వెంకటి, రాగుల తిరుపతి పాల్గొన్నారు.