జనసేనా.. వైసీపీనా ? వంగవీటి రాధా ఆప్షన్ ఏంటి?

దివంగత వంగవీటి రంగా కుమారుడు, మాజీ ఎమ్మెల్యే వంగవీటి రాధాకృష్ణ వ్యవహారం ప్రస్తుతం హాట్ టాపిక్ గా మరింది.

టిడిపిలో ఉన్న రాధాకృష్ణ చాలా కాలంగా క్రియాశీలకంగా ఉండడం లేదు.

అసలు ఆ పార్టీలో ఉన్నారా లేరా అన్నట్లుగా ఆయన వ్యవహార శైలి ఉంది.ఇక ఎప్పటి నుంచో ఆయన జనసేనలో చేరుతారనే ప్రచారం జరిగింది.

దిండిలో జనసేన అధినేత పవన్ కళ్యాణ్( Pawan kalyan ) నిర్వహించిన సమావేశంలోనూ రాధ కనిపించారు.అయితే కొద్ది నెలలుగా రాధను వైసీపీలోకి తీసుకొచ్చేందుకు గుడివాడ ఎమ్మెల్యే కొడాలి నాని, గన్నవరం ఎమ్మెల్యే వంశీ మోహన్ ప్రయత్నాలు చేస్తూనే వస్తున్నారు.

దీంతో రాధ మళ్ళీ వైసీపీలో చేరే అవకాశం ఉన్నట్లుగా ప్రచారం జరిగింది.ఇక రంగ వర్ధంతి రోజున ఆయన విగ్రహానికి పూల మాల వేసిన రాధ ఈ సందర్భంగా మాట్లాడుతూ, వంగవీటి రంగ అభిమానులంతా ఏకం కావాలని రాధాకృష్ణ పిలుపునివ్వడం వెనుక కారణాలు ఏమిటనేది ఆసక్తికరంగా మారింది.

రాధ టీడీపీ ని వీడే అవకాశం ఉందని, కీలక నిర్ణయం తీసుకునేందుకే రంగా అభిమానుల అభిప్రాయాలను సేకరించే పనిలో ఉన్నారనే ప్రచారం జరుగుతుంది.