సీనియర్ నటుడు కైకాల ఆరోగ్య పరిస్థితి విషమం?

ఎన్నో తెలుగు సినిమాలలో అద్భుతమైన పాత్రలో నటిస్తూ విశేష ప్రేక్షకాదరణ దక్కించుకున్న సీనియర్ నటుడు కైకాల సత్యనారాయణ అనారోగ్య సమస్యల కారణంగా అపోలో ఆస్పత్రిలో చేరారు.

ఈ క్రమంలోనే ఆయన ఆరోగ్య పరిస్థితి విషమంగా మారిందని కుటుంబ సభ్యులు వెల్లడించారు.

గత కొద్ది రోజుల క్రితం కైకాల సత్యనారాయణ ఇంట్లో కాలుజారి కింద పడటంతో సికింద్రాబాద్ లోని ఒక ప్రైవేట్ ఆస్పత్రిలో చికిత్స తీసుకున్నారు.ఇదిలా ఉండగా తాజాగా మరోసారి ఆయన ఆరోగ్య పరిస్థితి క్షీణించడం వల్ల జూబ్లీహిల్స్ లోని అపోలో ఆస్పత్రిలో చేర్పించినట్లు తెలుస్తోంది.

అయితే ప్రస్తుతం ఆయన ఆరోగ్య పరిస్థితి విషమంగానే ఉందని వైద్యులు తెలియజేశారు.ఈ క్రమంలోనే ఈయన ఆస్పత్రిలో చేరిన విషయం తెలియడంతో పలువురు టాలీవుడ్ ప్రముఖులు ఆందోళన వ్యక్తం చేస్తున్నారు.