7 వేల అడుగుల ఎత్తులో ఉన్న ఆ దేవాలయానికి భక్తుల క్యూ..

ఖర్సాలీ గ్రామం ఉత్తరాఖండ్‌లోని చార్‌ధామ్‌లలో ఒకటైన యమునోత్రికి 5 కిలోమీటర్ల దూరంలో ఉంది.ఈ గ్రామంలో శని దేవుడు,అతని సోదరి యమునల ఆలయం ఉంది.

ఈ దేవాలయం వేసవిలోని వైశాఖి సందర్భంగా భక్తుల కోసం తెరుస్తారు.ఏప్రిల్ 30న శని అమావాస్య.

ఈ రోజున దేశవ్యాప్తంగా శని దేవాలయాల్లో భక్తుల రద్దీ ఉంటుంది.ఉత్తరాఖండ్‌లో ఉన్న ఈ శని దేవుడి ఆలయం గురించి ఇప్పుడు తెలుసుకుందాం.

వేసవి కాలంలో ఇక్కడికి రావడం చాలా ప్రశాంతంగా, చల్లగా ఉంటుంది.ఖర్సాలీలో శీతాకాలంలో మంచు కురుస్తుంది.

ఈ కారణంగా ఈ శని దేవాలయం తలుపులు మూసివేస్తారు.వేసవి ప్రారంభం కావడంతో భక్తులకు వాతావరణం అనుకూలంగా మారుతుంది.

దీంతో భక్తులు శని దేవుడిని చూడటానికి సులభంగా ఇక్కడికి చేరుకుంటారు.ఈ శని దేవాలయం ఉత్తరాఖండ్‌లోని ఉత్తరకాశీ జిల్లా ఖర్సాలీ గ్రామంలో సముద్ర మట్టానికి సుమారు 7 వేల అడుగుల ఎత్తులో ఉంది.

ఈ ఆలయం చాలా పురాతనమైనది.ఈ ప్రాంతీయులు తెలిపిన వివరాల ప్రకాచం శని దేవుడు తన సోదరి యమునను కలవడానికి ప్రతి సంవత్సరం అక్షయ తృతీయ నాడు యమునోత్రిని సందర్శిస్తాడు.