కంచెను దాటేందుకు ప్రయత్నించిన 10 అడుగుల మొసలి.. భయానక వీడియో వైరల్..

ఉత్తరప్రదేశ్‌లోని ( Uttar Pradesh )ఓ చిన్న పట్టణంలో జరిగిన ఓ ఘటన ప్రజలకు వెన్నులో వణుకు పుట్టించింది.

బులంద్ షహర్ జిల్లాలోని నరోరా ఘాట్ దగ్గర ఉన్న గంగా కెనాల్ నుంచి 10 అడుగుల పెద్ద మొసలి బయటకు వచ్చింది.

కాలువ దగ్గర ఉన్న ఇనుప రెయిలింగ్ ఎక్కి మరలా నీళ్లలోకి దూకే ప్రయత్నం చేసింది.దాని ప్రయత్నం చూసిన స్థానికులు వీడియో తీసి అటవీ శాఖ, పోలీసులకు చెప్పారు.

వెంటనే అధికారులు అక్కడికి చేరుకుని పరిస్థితిని అదుపులోకి తెచ్చారు.వీడియోలో మొసలి రెయిలింగ్/ రక్షణాత్మక కంచె ఎక్కుతూ కింద పడటం కనిపిస్తుంది.

తరువాత అది పారిపోవడానికి ప్రయత్నించింది కానీ, అటవీ శాఖ అధికారులు దానిని పట్టుకునేందుకు సిద్ధంగా ఉన్నారు.మొసలి, రక్షణ బృందం రెండింటినీ కాపాడేందుకు జాగ్రత్తగా దాని తలపై టవల్ వేసి, దానిని కట్టే ప్రక్రియ ప్రారంభించారు.