ఆ బ్యానర్‌లో సినిమాకు రవితేజ ఓకే

మాస్ రాజా రవితేజ నటించిన లేటెస్ట్ మూవీ ‘క్రాక్’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది.

వేసవి కానుకగా ఈ సినిమాను రిలీజ్ చేయాలని చిత్ర యూనిట్ భావించినా, కరోనా కారణంగా ఈ సినిమా రిలీజ్ వాయిదా పడింది.

ఇక ఈ సినిమాను దర్శకుడు గోపీచంద్ మలినేని డైరెక్ట్ చేయడంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.దానికి తగ్గట్టుగానే ఈ సినిమా పోస్టర్స్, టీజర్లు ప్రేక్షకులను ఆకట్టుకోవడంలో సక్సెస్ అయ్యాయి.

ఇదిలా ఉండగా రవితేజ తన నెక్ట్స్ చిత్రాలను లైన్‌లో పెట్టే పనిలో పడ్డాడు.ఇప్పటికే వీర దర్శకుడు రమేశ్ వర్మతో రవితేజ ఓ సినిమా చేసేందుక పచ్చ జెండా ఊపినట్లు తెలుస్తోండగా, దర్శకుడు నక్కిన త్రినాథరావుతో ఓ ఫుల్ లెంగ్త్ ఎంటర్‌టైనర్ మూవీలో నటించేందుకు కూడా ఆయన ఓకే అన్నట్లు తెలుస్తోంది.

కాగా ఇప్పుడు మరో ప్రాజెక్ట్‌ను రవితేజ ఓకే చేశాడట.ప్రముఖ నిర్మాణ సంస్థ యూవీ క్రియేషన్స్ బ్యానర్‌లో తెరకెక్కబోయే ఓ సినిమాలో నటించేందుకు రవితేజ గ్రీన్ సిగ్నల్ ఇచ్చాడట.

ఈ సినిమాను మీడియం రేంజ్ బడ్జెట్‌తో తెరకెక్కించేందుకు సదరు నిర్మాతలు రెడీ అవుతున్నారు.అయితే ఈ సినిమాను ఎవరు డైరెక్ట్ చేస్తారు, ఈ సినిమాలో మిగతా నటీనటులు ఎవరు అనే విషయాలపై ఇంకా క్లారిటీ రావాల్సి ఉంది.

ఇక రవితేజ క్రాక్ చిత్రంతో అదిరిపోయే హిట్ అందుకోవాలని చూస్తున్నాడు.గతకొంత కాలంగా సరైన హిట్ లేక సతమతమవుతున్న రవితేజ, క్రాక్ చిత్రంతో సక్సెస్ ట్రాక్ ఎక్కాలని చూస్తున్నాడు.

ఈ సినిమాలో రవితేజ ఓ పోలీస్ ఆఫీసర్ పాత్రలో నటిస్తుండగా, ఆయన సరసన అందాల భామ శృతి హాసన్ హీరోయిన్‌గా నటిస్తోంది.ఇక వరలక్ష్మీ శరత్ కుమార్, సముథ్రికని తదితరులు ఇతర కీలక పాత్రల్లో నటిస్తున్నారు.

ఈ సినిమాను ఎట్టిపరిస్థితుల్లో థియేటర్లలోనే రిలీజ్ చేస్తామని చిత్ర యూనిట్ ప్రకటించిన సంగతి తెలిసిందే.

3 సెకన్లలో మూడు దేశాలలో అడుగు పెట్టిన అమ్మాయి.. ఎలాగంటే?