సంవత్సరానికి ఒక్కసారి మాత్రమే తెరిచే నాగసర్ప దేవాలయం ఎక్కడ ఉందో తెలుసా..?

సాధారణంగా మనదేశంలో ఆలయాలన్నీ ఉదయం తెరిచి సాయంత్రం మూసివేస్తారు.రోజంతా భక్తులకు స్వామివారి దర్శనం కల్పిస్తారు.

ఏదైనా పండుగ సమయాలలో స్వామివారిని రాత్రంతా కూడా భక్తులకు అందుబాటులో స్వామివారి దర్శనం కల్పిస్తారు.మరికొన్ని ఆలయాలు ఆరు నెలలపాటు మూసి ఉంటే ఆరు నెలల పాటు తెరిచి ఉంటారు.

ఈ విధంగా మనదేశంలో అన్ని ఆలయాలు భక్తులకు దర్శనం కల్పిస్తుంటే ఒకే ఒక ఆలయంలో మాత్రం సంవత్సరంలో ఒక్కరోజు మాత్రమే తెరచుకుని భక్తులకు దర్శనం కల్పిస్తారు.మరి ఆలయం ఎక్కడ ఉంది ఆలయ రహస్యాలు ఏమిటో ఇక్కడ తెలుసుకుందాం.

మన హిందూ ఆచారాల ప్రకారం సర్పాలను దేవుడిగా భావించి పలుచోట్ల ఆలయాలను నిర్మించి పూజలు చేస్తున్నారు.ఈ విధమైనటువంటి ఆలయాలలో ఒకటే ఉజ్జయిని మహదేవ్ ఆలయం.

ఈ ఆలయంలోని మూడవ అంతస్తులో నాగచంద్రేశ్వరాలయం కొలువై ఉంది.ఆ ఆలయం సంవత్సరంలో ఒక రోజు మాత్రమే తెరుస్తారు.

ఈ ఆలయం కేవలం శ్రావణ మాసం శుక్ల పంచమి రోజున మాత్రమే తెరచి ఉంటుంది.ఈ ఆలయంలో స్వామివారు మనకు పడగ విప్పి ఉండే పామునే ఆసనంగా చేసుకుని కూర్చొన్న శివపార్వతులుంటారు.