ఏపీలో కేంద్ర ఎన్నికల కమిషన్ పర్యటన .. ఆ అవకతవకలు తేల్చేస్తారా ?

నేడు ఏపీలో కేంద్ర ఎన్నికల కమిషన్( Central Election Commission ) పర్యటించనుంది.

ఏపీలో ఎన్నికల సమయం దగ్గర పడిన నేపథ్యంలో ఎన్నికల కమిషన్ కూడా స్పీడ్ పెంచుతోంది.

అలాగే ఓటర్ల జాబితాలో అనేక అక్రమాలు చోటు చేసుకున్నాయని, అధికార పార్టీ వైసీపీతో పాటు , ప్రధాన ప్రతిపక్షం టిడిపి, జనసేనలు( TDP , Janasenas ) కేంద్ర ఎన్నికల సంఘానికి ఫిర్యాదులు చేసిన నేపథ్యంలో కేంద్ర ఎన్నికల కమిషన్ ఏపీలో పర్యటనకు రాబోతూ ఉండడం ఆసక్తికరంగా మారింది.నేటి నుంచి మూడు రోజుల పాటు ఏపీలో కేంద్ర ఎన్నికల కమిషన్ పర్యటన కొనసాగబోతోంది .ఈ పర్యటనలో భాగంగా ఈరోజు రాత్రికి విజయవాడ కు ఎన్నికల కమిషన్ బృందం చేరుకోనుంది .ఈ పర్యటనకు చీఫ్ ఎలక్షన్ కమిషనర్ రాజీవ్ కుమార్ ( Rajeev Kumar )నేతృత్వం వహిస్తున్నారు .