టాలీవుడ్ స్టార్ హీరో ప్రభాస్ లో ఉన్న గొప్ప లక్షణాలివే.. అవేంటంటే?

టాలీవుడ్ స్టార్ హీరోలలో ఒకరైన ప్రభాస్ తన సినీ కెరీర్ లో ఎన్నో సంచలన విజయాలను సాధించారు.

యంగ్ రెబల్ స్టార్ ప్రభాస్ కు ప్రస్తుతం ప్రపంచవ్యాప్తంగా గుర్తింపు ఉంది.

ఇతర దేశాల్లో కూడా ప్రభాస్ నటించిన సినిమాలు కళ్లు చెదిరే స్థాయిలో కలెక్షన్లను సొంతం చేసుకుంటున్నాయనే సంగతి తెలిసిందే.బాహుబలి, బాహుబలి2 సినిమాలలో ప్రభాస్ నటన అన్ని వర్గాల ప్రేక్షకులను ఆకట్టుకుంది.

అయితే ప్రభాస్ నిజ జీవితంలో కూడా చాలా మంచి మనిషి అని ఆయన సన్నిహితులు చాలా సందర్భాల్లో వెల్లడించారు.తెలుగు రాష్ట్రాల ప్రజలకు ఏదైనా కష్టం వస్తే ఎక్కువ మొత్తంలో ఆర్థిక సాయం ప్రకటించే హీరోలలో ప్రభాస్ ముందువరసలో ఉంటారనే సంగతి తెలిసిందే.

ప్రభాస్ మూవీ షూటింగ్ జరుగుతుందంటే సినిమాలోని హీరోయిన్లకు, డైరెక్టర్, ఇతర టెక్నీషియన్లకు ప్రభాస్ ఇంటినుంచి కచ్చితంగా క్యారేజ్ వస్తుంది.మొహమాటం ఎక్కువగా ఉన్న హీరోలలో ఒకరైన ప్రభాస్ పబ్లిక్ ఈవెంట్లలో తక్కువగా పాల్గొన్నా గతంలో సినిమా కార్మికుల కోసం కోట్ల రూపాయల ఆర్థిక సాయం ప్రకటించారు.

అదే సమయంలో తను చేసిన సహాయాల గురించి ప్రచారం చేసుకోవడానికి ఎక్కువగా ఇష్టపడని హీరోగా ప్రభాస్ కు పేరుంది.ఇతర హీరోల గురించి ప్రభాస్ ఎప్పుడూ పాజిటివ్ గానే కామెంట్లు చేస్తారు.

అదే సమయంలో వివాదాస్పద విషయాలకు దూరంగా ఉంటారు.

పెళ్లి గురించి ఎన్ని ప్రశ్నలు ఎదురైనా ఓపికగా సమాధానం ఇచ్చే స్టార్ హీరోగా ప్రభాస్ కు పేరుంది.తన టాలెంట్ తో ఈ స్థాయికి చేరుకున్న ప్రభాస్ యంగ్ డైరెక్టర్లను ప్రోత్సహించే విషయంలో ముందువరసలో ఉంటారు.తన సినిమాల వల్ల నిర్మాతలకు నష్టం వస్తే ఆదుకునే హీరోలలో ప్రభాస్ ఒకరు.

ఇండస్ట్రీలోని అందరు స్టార్ డైరెక్టర్లు ప్రభాస్ ను ఎంతగానో ఇష్టపడతారనే సంగతి తెలిసిందే.