పొడి చ‌ర్మం వేధిస్తుందా? పొద్దుతిరుగుడు నూనెతో చెక్ పెట్టండిలా!

పొడి చ‌ర్మం(డ్రై స్కిన్‌).స్త్రీ, పురుషులు అనే తేడా లేకుండా చాలా మంది కామ‌న్‌గా ఎదుర్కొనే స‌మ‌స్య‌ల్లో ఇదీ ఒక‌టి.

ఎంత ఖ‌రీదైన మాయిశ్చ‌రైజ‌ర్‌ను అప్లై చేసుకున్నా మ‌ళ్లీ కొన్ని గంట‌ల‌కే చ‌ర్మం పొడిగా మారిపోతుంటుంది.దాంతో ఏం చేయాలో తెలియ‌క‌, ఈ స‌మ‌స్య‌ను ఎలా నివారించుకోవాలో అర్థంగాక తెగ స‌త‌మ‌త‌మ‌వుతుంటారు.

అయితే పొడి చ‌ర్మాన్ని నివారించ‌డంలో పొద్దుతిరుగుడు నూనె అద్భుతంగా స‌మాయ‌ప‌డుతుంది.పొద్దుతిరుగుడు గింజల నుండి త‌యారు చేసే ఈ నూనెలో విట‌మిన్ ఇ పుష్క‌లంగా ఉంటుంది.

ఇది చ‌ర్మంపై తేమ‌ను బంధించి పొడి బార‌కుండా అడ్డు క‌ట్ట వేస్తుంది.మ‌రి ఇంత‌కీ చ‌ర్మానికి పొద్దుతిరుగుడు నూనెను ఎలా వాడాలో ఇప్పుడు తెలుసుకుందాం.

ముందుగా ఒక బౌల్ తీసుకుని అందులో రెండు స్పూన్ల పొద్దుతిరుగుడు నూనె, ఒక స్పూన్ తేనె వేసుకుని బాగా మిక్స్ చేసుకోవాలి. ఇప్పుడు ఈ మిశ్ర‌మాన్ని ముఖం, మెడ‌తో పాటు కావాల‌నుకుంటే చేతుల‌కు కూడా అప్లై చేసుకుని కాసేపు డ్రై అవ్వ‌నివ్వండి.

అనంత‌రం గోరు వెచ్చ‌ని నీటితో క్లీన్ చేసుకోండి.ఇలా రోజుకు ఒక సారి చేస్తే పొడి చ‌ర్మం తేమ‌గా, మృదువుగా మారుతుంది.