తక్కువ ధరకే హోండా నుంచి కొత్త కమ్యూటర్ బైక్ లాంచ్.. ధర, ఫీచర్లు ఇవే..

దిగ్గజ 2-వీలర్స్ తయారీదారు హోండా( Honda Motorcycles ) ఇండియాలో సరికొత్త బైక్స్ లాంచ్ చేస్తూ ఆకట్టుకుంటోంది.

తాజాగా CD110 డ్రీమ్ డీలక్స్ 2023 వెర్షన్‌ను ఇండియాలో లాంచ్ చేసింది.

ఇది కొత్త OBD-II కంప్లైంట్ ఇంజన్, అదిరిపోయే కాస్మోటిక్ చేంజెస్, 10-సంవత్సరాల వారంటీ ప్యాకేజీతో అప్‌డేట్ అయింది.ఈ ఇంజన్ BS-VI ఫేజ్-II కంప్లైంట్ కాగా ఇది 8.67bh పవర్, 9.30 Nm టార్క్‌ను ప్రొడ్యూస్ చేస్తుంది.ఇది 4-స్పీడ్ మల్టీ-ప్లేట్ వెట్ క్లచ్ గేర్‌బాక్స్‌తో వస్తుంది.

కంపెనీ సీడీ110 డ్రీమ్ డీలక్స్‌లో కొత్తగా ఎక్కువ కాంతిని అందించే DC హెడ్‌ల్యాంప్, ఫ్యూయల్ ఆదా చేసే ఇంజన్ స్టార్ట్/స్విచ్ బటన్, సురక్షితంగా బైక్‌ను నిలిపివేసే కాంబి-బ్రేక్ సిస్టమ్‌ను కూడా అందించింది.కాకపోతే ఇందులో LED హెడ్‌లైట్‌లు లేదా DRLs అందించలేదు.

ఈ బైక్ సీటు లెంగ్త్ 720 మి.మీతో ఆ సెగ్మెంట్‌లో అతి పొడవైనదిగా ఉంది.ఇది 18,000 కిమీ వరకు రీప్లేస్‌మెంట్ అవసరం లేని విస్కస్ పేపర్ ఫిల్టర్‌తో వస్తుంది.

CD110 డ్రీమ్ డీలక్స్( CD110 Dream Deluxe ) డిజైన్ చాలా వరకు మారలేదు, అయితే మోటార్‌సైకిల్ ట్యాంక్, సైడ్స్‌లో కొత్త గ్రాఫిక్ ప్రింట్స్ ఉన్నాయి.మఫ్లర్ ఇప్పుడు క్రోమ్ కవర్‌ను కూడా కలిగి ఉంది.

ప్రీవియస్ వెర్షన్లలో లాగానే ఇందులో ఐదు-స్పోక్ అల్లాయ్ వీల్స్ అందించారు.