Oriana Lindsay : మాజీ భర్తను మళ్లీ పెళ్లి చేసుకున్న మహిళ.. చరిత్రలోనే ఇదే ఫస్ట్ టైమ్‌?

అమెరికాకు చెందిన ఓరియానా లిండ్సే( Oriana Lindsay ) అనే ఓ మహిళ గతంలో తన భర్తకు విడాకులు ఇచ్చింది.

మళ్లీ అదే భర్తను ఆమె పెళ్లి చేసుకుని షాక్ ఇచ్చింది.

సాధారణంగా ఒకసారి ఒక భర్త నుంచి విడిపోతే మళ్లీ ఎవరూ కలుసుకోవడానికి ఇష్టపడరు.విడిపోయే ముందే జీవితంలో మళ్ళీ కలిసి ఉండలేం అనే నిర్ణయానికి వచ్చి వారు విడాకులు తీసుకుంటారు.

కానీ ఓరియానా ఫస్ట్ ఎవరైతే వద్దనుకుందో మళ్లీ అతడినే పెళ్లి చేసుకుంది.అంతేకాదు ఆ భర్త వేరొక మహిళతో కన్న కుమార్తెను కూడా ఈమె సంతోషంగా తన అక్కున చేర్చుకుంది.

రెండేళ్ల క్రితం విడాకులు తీసుకున్న ఒరియానా రీసెంట్‌గా మాజీ భర్తను తిరిగి వివాహం చేసుకుని బంధుమిత్రులందరూ ఆశ్చర్యపోయేలా చేసింది.ఒరియానా టిక్‌టాక్‌లో 21,000 మందికి పైగా ఫాలోవర్లతో పాపులర్ అయింది.

నలుగురు పిల్లల తల్లిగా తన అనుభవాలను పంచుకోవడానికి ఆమె తన ఖాతాను ఉపయోగిస్తుంది.ఆమె తన "బెస్ట్ ఫ్రెండ్" అని పిలిచే తన మాజీ భర్తతో ఇటీవల జరిగిన నిశ్చితార్థం చేసుకొని ఆ విషయాన్ని వెల్లడించింది.

ప్రేమపై నమ్మకం ఉంచండి అంటూ ఇతరులను ప్రోత్సహించింది.తనకు 19 ఏళ్ల వయసులో పెళ్లయ్యాక ఇద్దరు పిల్లలు కన్నానని కూడా చెప్పుకొచ్చింది.