Voter ID : ఏపీ, టీజీ ఓటర్లకు అలర్ట్.. ఓటర్ల జాబితాలో మీ పేరు ఉందో లేదో ఎలా చెక్ చేసుకోవాలంటే?

కేంద్ర ఎలక్షన్ కమిషన్ ఎన్నికల నోటిఫికేషన్ ను( Election Notification ) రిలీజ్ చేసిన నేపథ్యంలో తెలుగు రాష్ట్రాల్లో పొలిటికల్ సందడి మొదలైంది.

దేశవ్యాప్తంగా మొత్తం ఏడు దశలలో లోక్ సభ ఎన్నికలు జరగనున్నాయి.

ఏపీ, తెలంగాణ రాష్ట్రాలలో లోక్ సభ ఎన్నికలు ఒకేరోజు జరగనుండటం గమనార్హం.అయితే ఏపీ, తెలంగాణ ఓటర్లు ఓటర్ల జాబితాలో( Voter List ) తమ పేరు ఉందో లేదో ఒకసారి చెక్ చేసుకుంటే ఓటు వేసే సమయంలో ఎలాంటి ఇబ్బందులు ఉండదు.

ఓటర్లు అధికారిక వెబ్ సైట్ https://electoralsearch.eci.gov.in/ ద్వారా ఎలక్టోరల్ రోల్ లో పేరు ఉందో లేదో చెక్ చేసుకోవచ్చు.ఎపిక్ నంబర్ లేదా మొబైల్ నంబర్, స్టేట్ ఎంచుకోవడం ద్వారా మరింత వేగంగా పేరు ఉందో లేదో చెక్ చేసుకోవచ్చు.ఈ వివరాలు లేని వాళ్లు స్టేట్ ఎంటర్ చేసి భాషను ఎంచుకుని పేరు, ఇంటిపేరు, పుట్టినతేదీ, లింగం, జిల్లా, అసెంబ్లీ నియోజకవర్గం, క్యాప్చా కోడ్ ఎంటర్ చేసి సెర్చ్ చేసి పేరు ఉందో లేదో చెక్ చేసుకోవచ్చు.