Mudragada Padmanabham : ‘ముద్రగడ ‘ కు లైన్ క్లియర్ అయ్యిందా ? వారి నుంచి అభ్యంతరాలు లేనట్టేనా ? 

కాపు ఉద్యమ నేత,  మాజీ మంత్రి ముద్రగడ పద్మనాభం( Mudragada Padmanabham ) వైసీపీలో చేరేందుకు లైన్ క్లియర్ అయింది.

ముద్రగడ ఎప్పటి నుంచో వైసీపీలో చేరుతారనే ప్రచారం జరుగుతూనే వస్తోంది.

అయితే కొన్ని కొన్ని కారణాలవల్ల ఆ చేరికకు బ్రేకులు పడుతూ వస్తున్నాయి.ఇక ఈ మధ్యనే ఆయన జనసేనలో చేరబోతున్నట్లుగా హడావుడి జరిగింది.

ఈ విషయంలో ముద్రగడ కూడా జనసేనలో చేరబోతున్నట్లుగా సంకేతాలు ఇచ్చారు.స్వయంగా పవన్ కళ్యాణ్ ముద్రగడ నివాసానికి వెళ్లి ఆయనను పార్టీలోకి ఆహ్వానిస్తారనే ప్రచారం జరిగింది.

కానీ తూర్పుగోదావరి జిల్లా పర్యటన కు వెళ్లిన పవన్( Pawan ) ముద్రగడ నివాసానికి వెళ్లలేదు.ఆయనను పార్టీలోకి రావాలని ఆహ్వానించలేదు .దీంతో తాను జనసేనలో చేరకుండా టిడిపినే అడ్డుకుంటుందని ముద్రగడ భావించారు.