టీ పోసుకునే ఈ పాట్‌ ధర ఎన్ని కోట్లో తెలిస్తే షాక్ అవుతారు..

ప్రపంచవ్యాప్తంగా ఎక్కువ మంది ఇష్టపడే వేడి పానీయాలలో టీ( Tea )ఒకటి.ఇండియాలో కూడా టీ అధికంగా తాగుతుంటారు.

ఒక్కొక్కరి అభిరుచికి తగినట్లుగా ఆల్రెడీ ఇప్పటికే చాలా రకాల టీలు అందుబాటులోకి వచ్చాయి.ప్రజలు ఉదయాన్నే లేదా పని వేలల్లో టీ తాగుతూ ఉత్సాహాన్ని తెచ్చుకుంటున్నారు.

సాధారణంగా టీ పోసుకోవడానికి వంద రూపాయలు లోపు విలువైన కప్పు కొనుగోలు చేస్తారు.దానికి తోడు వంద రూపాయలు విలువైన సాసర్ కూడా కొంటారు.ఇక ఈ టీపాట్ కోసం మహా అంటే రూ.1,000 ఖర్చు చేస్తారు కానీ ది ఇగోయిస్ట్ అనే టీపాట్‌ మాత్రం ఏకంగా 24 కోట్ల రూపాయలు పలుకుతూ అందరినీ షాక్‌కి గురి చేస్తోంది.

అత్యంత విలువైన టీపాట్‌( Tea Pot )గా ఇది నిలిచినట్లు రీసెంట్‌గా గిన్నిస్ వరల్డ్ రికార్డ్స్ పేజీ షేర్ చేసింది.ఇక్కడ రూ.24 కోట్లు వెచ్చించి దీన్ని ఎవరు కొనుగోలు చేస్తారనేది బిగ్గెస్ట్ క్వశ్చన్ అని చెప్పవచ్చు.ఇటాలియన్ జువెలరీ బిజినెస్ మాన్ ఫుల్వియో స్కావియా ( Italian jeweller ) తయారు చేసిన ఈ పాట్ ధర 30 లక్షల డాలర్లు.

ఇంత ధర ఎందుకంటే ఆ పాట్‌ నిండా 1658 డైమండ్స్ పొదిగారు.అంతేకాదు దీని తయారీలో 18 క్యారెట్ల గోల్డ్, గోల్డ్ పూతతో కూడిన వెండిని ఉపయోగించారు.

శిలాజ మముత్ ఐవరీ( Mammoth Ivory )నుంచి హ్యాండిల్‌ను తయారు చేశారు.ఈ టీపాట్ మూతపై థాయిలాండ్, బర్మా దేశాల నుంచి ప్రత్యేకంగా సేకరించిన 386 కెంపులు లేదా రూబీలు జోడించారు.

మొత్తంగా ఈ టీపాట్‌ చూసేందుకు అద్భుతంగా ఉంటుంది.

టీపాట్‌ మధ్యలో చాలా అందంగా కనిపించే 6.67 క్యారెట్ థాయ్ రూబీ కూడా ఉంది.గిన్నిస్ వరల్డ్ రికార్డ్ సాధించిన టీపాయ్ ఇగోయిస్ట్ ఒక్కటే మాత్రమే కాదు.2023లో సౌదీ అరేబియాకు చెందిన ఖదీర్ టీ రూపొందించిన 4.19 మీటర్ల పొడవైన (13.7 అడుగుల ఎత్తు) టీపాట్ ప్రపంచంలోనే అతిపెద్ద టీపాట్.ఈ టీపాట్ 1,000 లీటర్ల (264 గ్యాలన్లు) టీని కలిగి ఉంటుంది.