అమెరికా అధ్యక్షుడు జో బైడెన్ భారత్ పర్యటనపై ఉత్కంఠ

అగ్రరాజ్యం అమెరికా అధ్యక్షుడు జో బైడెన్ భారత్ పర్యటనపై పలు అనుమానాలు వ్యక్తం అవుతున్నాయి.

బైడెన్ సతీమణి జిల్ బైడెన్ కు కరోనా పాజిటివ్ గా నిర్ధారణ అయినట్లు తెలుస్తోంది.

ఈ క్రమంలో జో బైడెన్ భారత్ పర్యటనకు వస్తారా.? లేదా.? అన్న విషయంపై ఉత్కంఠ నెలకొంది.కాగా ఢిల్లీ వేదికగా జరగనున్న జీ20 దేశాల శిఖరాగ్ర సదస్సుకు జో బైడెన్ హాజరు కావాల్సి ఉన్న సంగతి తెలిసిందే.

ఈ క్రమంలో ఈనెల 7వ తేదీన భారత్ కు వచ్చే ప్లాన్ చేసుకున్న బైడెన్ ఈనెల 8న ప్రధానమంత్రి నరేంద్ర మోదీతో సమావేశం కావాల్సి ఉంది.అనంతరం ఈనెల 9, 10వ తేదీల్లో జరిగే జీ 20 దేశాల సదస్సుకు హాజరు కావాల్సి ఉంది.