నన్ను అన్యాయంగా తొలగించారు : సింగపూర్ సంస్థ జిలింగో‌పై భారత సంతతి ఎగ్జిక్యూటివ్ ఆరోపణలు

సింగపూర్‌కి చెందిన కంపెనీ జిలింగోపై ఆ సంస్థ మాజీ సీఈవో , భారత సంతతికి చెందిన అంకితి బోస్ సంచలన వ్యాఖ్యలు చేశారు.

సీఈవో పదవి నుంచి తనను తప్పించడం అక్రమమని ఆమె మండిపడ్డారు.

తాను లేవనెత్తిన అంశాలను పూర్తిగా పరిష్కరించడానికి తనకు అవకాశం ఇవ్వకుండా .‘‘అవిధేయత’’ అన్న కారణంగా బోర్డు తనను అన్యాయంగా తొలగించిందని అంకితి బోస్ రాయిటర్స్‌కి రాసిన ఈమెయిల్‌లో ఆరోపించారు.కంపెనీలో గత కొన్నేళ్లుగా తాను ఎదుర్కొన్న వేధింపులు, ఒత్తిడికి సంబంధించి ఈ వారం బోర్డుకు సవివరంగా తెలియజేశానని అంకితి వాపోయారు.

తీవ్రమైన ఆర్దిక అవకతవకలకు పాల్పడ్డారనే ఫిర్యాదులు రావడం, ఫోరెన్సింగ్ ఆడిట్ తర్వాత అంకితి బోస్‌ను సీఈవో పదవి నుంచి తప్పించినట్లు సింగపూర్‌కి చెందిన ఫ్యాషన్ టెక్నాలజీ స్టార్టప్ జిలింగో‌ శుక్రవారం వెల్లడించింది.మార్చి 31న కంపెనీ ఖాతాల్లో వ్యత్యాసాలు వున్నట్లు ఫిర్యాదులు రావడంతో అంకితిని సస్పెండ్ చేశారు.

అనంతరం ఫోరెన్సిక్ ఆడిట్ కోసం డెలాయిట్, క్రోల్‌లను కంపెనీ నియమించింది.