Prashant Kishor : వైసీపీపై మైండ్ గేమ్.. ప్రశాంత్ కిషోర్ వ్యూహం ఏంటి ?

ప్రముఖ రాజకీయ వ్యూహకర్త, ఐప్యాక్ అధినేత ప్రశాంత్ కిషోర్( Prashant Kishor ) ఏపీ రాజకీయాలో పెద్ద దుమారమే రేపారు.2019 ఎన్నికల్లో వైసిపి తరఫున వ్యూహకర్తగా ప్రశాంత్ కిషోర్ పనిచేశారు.

ఆ పార్టీ అధికారంలోకి వచ్చే విధంగా ప్రశాంత్ కిషోర్ కు చెందిన ఐ ప్యాక్ వ్యూహాలు అందించింది.

అయితే ఇప్పుడు మాత్రం టిడిపికి ప్రశాంత్ కిషోర్ మద్దతుగా నిలిచారు .పశ్చిమబెంగాల్,  తమిళనాడు ఎన్నికల తర్వాత తాను రాజకీయ వ్యవహర్తగా తప్పుకుంటున్నానని ప్రశాంత్ కిషోర్ ప్రకటించారు .తన సొంత రాష్ట్రమైన బీహార్ లో సొంతంగా పార్టీని ఏర్పాటు చేసుకుని పాదయాత్ర సైతం నిర్వహించారు .కాకపోతే జనాల నుంచి ఆశించిన స్థాయిలో స్పందన రాకపోవడంతో,  ప్రశాంత్ కిషోర్ నిరాశ కు గురయ్యారు.ఇతర రాష్ట్రాల్లో అనేక పార్టీలు అధికారంలోకి వచ్చే విధంగా వ్యూహాలు అందించిన ప్రశాంత్ కిషోర్ ,సొంత రాష్ట్రంలో మాత్రం గుర్తింపు తెచ్చుకోవడంలో ఫెయిల్ అయ్యారు.

ఇక ఆ తర్వాత నుంచి మళ్లీ వ్యూహకర్తగా సేవలందించేందుకు ప్రశాంత్ కిషోర్ సిద్ధమైనట్లుగానే వ్యవహరిస్తున్నారు.కొద్ది రోజులు పాటు , తెలంగాణలో బీఆర్ఎస్ పార్టీకి వ్యూహకర్తగా పనిచేసే తప్పుకున్నారు.

ఇప్పుడు టిడిపి తరఫున పనిచేసేందుకు పెద్దమవుతున్నట్లుగా సంకేతాలు ఇస్తున్నారు.