Mamata Mohandas : కొత్త స్పోర్ట్స్ కారును కొనుగోలు చేసిన ప్రముఖ నటి మమతా మోహన్ దాస్.. ధర తెలిస్తే షాకవ్వాల్సిందే!

Madhura Vani

Sr Reporter

2024-02-10   13:51:16  IST

మమతా మోహన్‌దాస్‌( Mamata Mohandas ).ఈ పేరు వినగానే ముందుగా గుర్తుకు వచ్చే సినిమా యమదొంగ.

Ad

జూనియర్ ఎన్టీఆర్ హీరోగా నటించిన ఈ సినిమాలో ఎన్టీఆర్‌ను ముప్పుతిప్పలు పెట్టే ధనలక్ష్మిగా అందరినీ నవ్విస్తుంది.తర్వాత కృష్ణార్జున, విక్టరీ, చింతకాయల రవి, కింగ్‌, కేడి ఇలా ఎన్నో సినిమాలలో నటించి హీరోయిన్గా తనకంటూ ఒక ప్రత్యేకమైన గుర్తింపును ఏర్పరచుకుంది.

అయితే యమదొంగ( Yamadonga ) తర్వాత చాలా సినిమాలలో నటించినప్పటికీ ఆ రేంజ్ లో తగిన విధంగా గుర్తింపు మరే సినిమాతోనూ దక్కలేదని చెప్పాలి.

కేవలం తెలుగులో మాత్రమే కాకుండా తమిళ కన్నడ మలయాళ భాషల్లో కూడా పలు సినిమాల్లో నటించింది.వీటిలో ఎక్కువ శాతం సినిమాలు మలయాళం లోనే నటించింది మమతా మోహన్‌దాస్‌.ఇకపోతే మమతా ఆ మధ్య క్యాన్సర్ బారిన పడిన విషయం తెలిసిందే.

క్యాన్సర్ ( Cancer )లాంటి ప్రాణంతక వ్యాధి బారిన పడినప్పటికీ ధైర్యంగా పోరాడి ఆ వ్యాధి నుంచి బయటపడింది.తిరిగి మళ్లీ సినిమాలపై ఫోకస్‌ పెట్టింది.హీరోయిన్‌గా, సెకండ్‌ హీరోయిన్‌గా, క్యారెక్టర్‌ ఆర్టిస్ట్‌గా నటించింది.

కాగా మమతా కేవలం హీరోయిన్ గా మాత్రమే కాకుండా సింగర్ గా కూడా ఎన్నో పాటలను పాడి సింగర్ గా కూడా గుర్తింపు తెచ్చుకుంది.