ఏఆర్‌ రెహ్మాన్‌ మేనల్లుడు మనకు బాగా తెలిసిన స్టార్..ఎంత పోరాటం చేస్తున్నాడో తెలుసా..?

జీవీ ప్రకాష్ కుమార్ అంటే పరిచయం అవసరం లేని పేరు.సంగీత దర్శకుడుగానే కాకుండా ప్లే బ్యాక్ సింగర్ గా, హీరోగా తన ప్రత్యేకత చాటుకున్నారు.

తమిళంలోనే కాకుండా తెలుగులో ఉల్లాసంగా ఉత్సాహంగా, డార్లింగ్, ఎందుకంటే ప్రేమంట వంటి సినిమాలకు సంగీతం అందించి యువతను ఉర్రూతలూగించారు.రీసెంట్ గా ఆయన సంగీత సారధ్యంలో వచ్చిన "ఆకాశం నీ హద్దురా" మ్యూజికల్ హిట్ గా నిలిచింది.

సంగీత దర్శకుడిగా సత్తా చాటుతూనే, త్రిష లేదా నయనతార సినిమాతో హీరోగా మారి, పెన్సిల్, సర్వం తాళ మయం వంటి హిట్ సినిమాలతో తనేంటో ప్రూవ్ చేసుకున్నారు.కోలీవుడ్ లోనే కాకుండా, టాలీవుడ్ లో కూడా అభిమానులను సంపాదించుకున్న జీవీకి ఈ సక్సెస్ అంత ఈజీగా రాలేదు.

పైగా ఆస్కార్ గ్రహీత ఏ.ఆర్.రెహ్మాన్ కి స్వయాన మేనల్లుడు.అయినా గాని ఈ స్థాయికి రావడానికి జీవీ చాలానే కష్టపడ్డారట.

జీవీ తల్లి తనని చిన్నతనంలోనే రెహ్మాన్ దగ్గర సంగీతం నేర్పించమని పెట్టారట.రెహ్మాన్ జీవీకి సంగీతం నేర్పించి, పాటలు పాడించేవారట.

అలా జెంటిల్ మేన్ సినిమాలో "చికుబుకు చికుబుకు రైలే" సాంగ్ పాడే అవకాశం ఇచ్చారు.ఈ పాటతో జీవీ 5 ఏళ్లకే సెలబ్రిటీ అయిపోయారు.

ఆ తర్వాత దొంగ దొంగ సినిమాలో దొంగ దొంగ అనే పాట, బొంబాయి మూవీలో కుచ్చి కుచ్చి కూనమ్మా ఇలా చాలా పాటలు పాడించారు.మావయ్య నీడలో సంగీతం నేర్చుకుంటున్న జీవీకి ఊహించని షాక్ ఎదురైంది.

జీవీ తల్లి, తండ్రి విడిపోయారు.దీంతో జీవీ తండ్రితో ఉండిపోయారు.

అయితే జీవీకి అప్పటివరకూ సంగీతం మీద ఆసక్తి ఉండేది కాదు.కానీ అమ్మ దూరంగా ఉందన్న బాధను మర్చిపోవడానికి సంగీతాన్ని అలవాటు చేసుకున్నారు.

అలా పియోనాతో పాటు కీబోర్డు పైన పట్టు సంపాదించారు.