వరుసగా ఏడు ఫ్లాపుల తర్వాత నాగార్జునకు హిట్ ఇచ్చిన మూవీ ఏదో తెలుసా?

స్టార్ హీరో నాగార్జున ఈ మధ్య కాలంలో వరుసగా సినిమాలలో నటిస్తున్నా ఆ సినిమాలు బాక్సాఫీస్ వద్ద బ్రేక్ ఈవెన్ కావడంలో విఫలమవుతున్నాయి.

ఊపిరి తర్వాత ఆ స్థాయి సక్సెస్ ను సాధించడంలో నాగార్జున ఫెయిల్ అవుతున్నారు.

పలు ఏరియాల్లో ఊపిరి బ్రేక్ ఈవెన్ కాలేదనే కామెంట్లు సైతం వినిపించాయి.అయితే బంగార్రాజు సినిమాతో సక్సెస్ ట్రాక్ లోకి వస్తానని నాగ్ భావిస్తున్నారు.

వచ్చే ఏడాది జనవరిలో ఈ సినిమాను రిలీజ్ చేయాలని నాగ్ అనుకుంటున్నారు.అయితే చాలా సంవత్సరాల క్రితం నాగ్ నటించిన ప్రెసిడెంట్ గారి పెళ్లాం సినిమాకు ముందు నాగ్ నటించిన ఏడు సినిమాలు వరుసగా ఫ్లాప్ అయ్యాయి.

కెరీర్ లో నాగార్జున ఒడిదొడుకులు ఎదుర్కొన్న సమయంలో నాగార్జున ఈ సినిమాతో హిట్ సాధించారు.కోదండరామిరెడ్డి ఈ సినిమాకు దర్శకత్వం వహించగా వి.దొరస్వామిరాజు ఈ సినిమాకు నిర్మాతగా వ్యవహరించారు.మీనా ఈ సినిమాలో హీరోయిన్ గా నటించారు.

కైకాల సత్యనారాయణ, చంద్ర మోహన్, శ్రీకాంత్, బ్రహ్మానందం ఈ సినిమాలో కీలక పాత్రల్లో నటించారు.