సింగపూర్ అధ్యక్ష ఎన్నికల బరిలో భారత సంతతి మంత్రి..!!

వృత్తి, ఉద్యోగ, వ్యాపారాల కోసం వివిధ దేశాలకు వలస వెళ్లిన భారతీయులు అక్కడ అత్యున్నత స్థానాలకు చేరుకుంటున్నారు.

డాక్టర్లు, లాయర్లు, ఇంజనీర్లు, వ్యాపారవేత్తలు ఇలా అన్ని రంగాల్లోనూ మంచి హోదాల్లో వున్నారు.

ఇక ఆయా దేశాల రాజకీయాల్లోనూ భారతీయులు కీలకపాత్ర పోషిస్తున్నారు.అమెరికా, బ్రిటన్, ఆస్ట్రేలియా, కెనడాలలో అభ్యర్ధుల గెలుపొటములను నిర్దేశించే స్థాయికి మనోళ్లు చేరుకుంటున్నారు.

ప్రస్తుత అమెరికా ఉపాధ్యక్షురాలు కమలాహారిస్( Vice President Kamalaharis ), యూకే ప్రధాని రిషి సునాక్‌లు( Rishi Sunak ) భారత మూలాలున్న వారు కావడం మనందరికీ గర్వకారణం.తాజాగా.

సింగపూర్‌ ( Singapore )అధ్యక్ష ఎన్నికల బరిలో భారత సంతతి వ్యక్తి పోటీపడుతున్నారు.థర్మన్ షణ్ముగరత్నం( Thurman Shanmugaratnam ) అనే సీనియర్ మంత్రి తాను అధ్యక్ష ఎన్నికల్లో పోటీ చేస్తున్నట్లు గురువారం ప్రకటించి అందరికీ షాకిచ్చారు.1960ల నుంచి సింగపూర్‌ను పాలిస్తున్న పీపుల్స్ యాక్షన్ పార్టీ (పీఏపీ)కి తాను రాజీనామా చేస్తున్నానని, రాజకీయాలతో పాటు ప్రభుత్వంలో వున్న అన్ని పదవుల నుంచి వైదొలగుతున్నట్లు ప్రకటించారు.ఈ మేరకు తన నిర్ణయాన్ని సింగపూర్ ప్రధాని లీ సియన్ లూంగ్‌కు తెలియజేశారు.

మానిటరీ అథారిటీ ఆఫ్ సింగపూర్ (మాస్), జీఐసీ డిప్యూటీ ఛైర్మన్ ఎకనమిక్ డెవలప్‌మెంట్ బోర్డు ఇంటర్నేషనల్ అడ్వైజరీ కౌన్సిల్ ఛైర్మన్, మంత్రి తదితర హోదాల్లో షణ్ముగం పనిచేస్తున్నారు.