భారతీయ సైన్స్, మ్యాథ్స్ టీచర్లకు శుభవార్త.. కాస్త కష్టపడితే యూకేలో అద్భుతమైన జీవితం

ప్రపంచవ్యాప్తంగా భారతీయుల ప్రతిభ ఏంటో, వారి సత్తా ఏంటో ఇప్పుడిప్పుడే తెలుస్తోంది.

ప్రపంచ ప్రఖ్యాత కంపెనీలకు సారథులుగా వుండటంతో పాటు శాస్త్రవేత్తలుగా, డాక్టర్లుగా, మేధావులుగా భారతీయులు రాణిస్తున్నారు.

ఈ క్రమంలో ఎన్నో దేశాలు భారతీయులకు రెడ్ కార్పెట్ పరుస్తున్నాయి.తాజాగా యూకేలోని( UK ) ఓ మీడియా నివేదిక ప్రకారం.

ఇంగ్లాండ్‌లో ఖాళీగా వున్న టీచర్ల పోస్టులు( Teacher Jobs ) భర్తీ చేయడానికి విదేశాల్లో ప్రత్యేక డ్రైవ్ నిర్వహించాలని అక్కడి యాజమాన్యాలు భావిస్తున్నాయట.దీనిలో భాగంగా 10,000 పౌండ్ల విలువైన ‘‘అంతర్జాతీయ పునరావాస చెల్లింపులు’’ పథకానికి అర్హత పొందిన సైన్స్ , మ్యాథ్స్ టీచర్లు వున్న దేశాల్లో భారత్ కూడా నిలిచింది.

ఈ ఏడాది భారత్, నైజీరియా వంటి దేశాల నుంచి వందలాది మంది సైన్స్, మ్యాథ్స్, లాంగ్వేజ్ టీచర్లను యూకేకు రిక్రూట్ చేసుకోనున్నారని ది టైమ్స్ కథనాన్ని ప్రచురించింది.‘‘ International Relocation Payments (IRP)’’ పథకాన్ని 2023 - 24 విద్యా సంవత్సరాల్లో పైలట్ ప్రాజెక్ట్‌గా అమలు చేయనన్నారు.

యూకేలో ఎంప్లాయ్‌మెంట్ ఆఫర్ వున్న విదేశీ ఉపాధ్యాయులకు ఈ పథకం వర్తిస్తుంది.వీసాల ఖర్చు, ఇమ్మిగ్రేషన్ హెల్త్ సర్ ఛార్జ్, ఇతర పునరావాస ఖర్చులను ఈ పథకం కవర్ చేస్తుంది.