ఐఐటీ స్టూడెంట్ల వీరంగం... సిగ్గుపడండి అంటూ కామెంట్స్!

విషయం ఏమిటంటే, రాష్ట్రంలోని ఐఐటీ కాన్పూర్లో( IIT Kanpur ) వార్షిక స్పోర్ట్స్ ఈవెంట్ కన్నుల పండుగగా జరుగుతోంది.ఈ క్రమంలో రెండు కబడ్డీ జట్ల ఆటగాళ్ల మధ్య ఏదో విషయంపై చిన్న వాగ్వాదం జరిగింది.అది కాస్తా చినికి చినికి గాలివాన అయింది.

ఒకరిద్దరూ పోయి రెండు గ్రూపుల తగాదాగా మారింది.ఇంకేముంది రెండు గ్రూపుల సభ్యులు ఒకరినొకరు మీద పడి మరీ పిడిగుద్దులు గుద్దుకొని మరీ కొట్టుకున్నారు.

అంతటితో ఆగకుండా ఆ ప్రాంగణంలో వున్న కుర్చీలకు పని చెప్పారు.అక్కడితో వారి కోపం చల్లారినట్టు లేదు.

కింద పడి మరీ తన్నుకున్నారు, దొర్లారు.దొరికిన వస్తువుతో దొరికినట్లు విచక్షణారహితంగా దాడి చేసుకున్నారు.