పిల్ల‌లు మ‌ధుమేహం బారిన ప‌డ‌కూడ‌దంటే ఈ జాగ్ర‌త్త‌లు త‌ప్ప‌నిస‌రి!

మ‌ధుమేహం.పూర్వం యాబై, అర‌వై ఏళ్లు దాటిన వారిలోనే ఈ స‌మ‌స్య క‌నిపించేది.

కానీ, ప్ర‌స్తుత రోజుల్లో చిన్న పిల్ల‌లు సైతం మ‌ధుమేహం వ్యాధి బారిన ప‌డుతున్నారు.ఈ లిస్ట్‌లో మీ పిల్ల‌లు ఉండ‌కూడ‌దు అనుకుంటే వారి విష‌యంల ఖ‌చ్చితంగా కొన్ని కొన్ని జాగ్ర‌త్త‌ల‌ను తీసుకోవాల్సి ఉంటుంది.

మ‌రి ఆ జాగ్ర‌త్త‌లు ఏంటీ.? అన్న‌ది లేట్ చేయ‌కుండా ఓ లుక్కేసేయండి.వ‌య‌సుకు మించి బ‌రువు పెర‌గ‌డం మ‌ధుమేహానికి దారి తీయొచ్చు.

అందు వ‌ల్ల‌, పిల్ల‌ల బ‌రువు అదుపు త‌ప్ప‌కుండా చూసుకోవ‌డం ఎంతో అవ‌స‌రం.అందుకు రోజూ వారి చేత ఔట్ డోర్ గేమ్స్‌ ఆడించ‌డం, చిన్న చిన్ని వ్యాయామాలు చేయించ‌డం చేయాలి.

అలాగే పిల్ల‌ల డైట్‌లో షుగ‌ర్ ఫుడ్స్‌ను పూర్తిగా క‌ట్ చేయాలి.న‌ట్స్‌, తాజా పండ్లు, ఆకుకూర‌లు, కూర‌గాయ‌లు, పప్పు ధాన్యాలు వంటివి వారి ఆహారంలో భాగంగా చేయాలి.

స‌రైన నిద్ర లేక పోయినా పిల్ల‌లు మ‌ధుమేహం వ్యాధి బారిన ప‌డే అవ‌కాశం ఉంటుంది.కాబ‌ట్టి, ఎనిమిది నుంచి తొమ్మిది గంట‌ల పాటు పిల్ల‌లు నిద్ర పోయేలా చూసుకోవాలి.