మధ్యాహ్నం నిద్రపోవడం చాలామందికి ఉండే అలవాటు.ఇది ఓ పద్ధతిలో ఉంటే చాలా మంచి అలవాటు కూడా.
మధ్యాహ్నం పనులు లేకపోతే భేషుగ్గా కాసేపు కనుకు తీయవచ్చు.అయితే ఎంతసేపు నిద్రపోవాలో, ఎన్ని నిమిషాలు పడుకుంటే ఎలాంటి లాభాలుంటాయో తెలుసా?.
* మధ్యాహ్నం గంటన్నరకి ఎక్కువ పడుకోకూడదు అని అంటారు.దానికి కారణాలు చాలానే ఉన్నాయి.ఒకటి రాత్రి నిద్రపట్టడం కష్టమైపోతుంది.లేదంటే అతినిద్ర వలన అధికబరువు, డయాబెటిస్ లాంటి సమస్యలు తలెత్తుతాయి.అదే గంటన్నరపాటు నిద్రపోతే జ్ఞాపకశక్తి బాగా పెరుగుతుంది.
* రిఫ్రెష్ మెంట్ కోసం ఓ గంట నిద్ర చాలు అని అంటారు. మెదడు కూడా చురుకుగా పనిచేస్తుంది గంటసేపు నిద్ర తరువాత.
* అరగంట నిద్ర అలసటను దూరం చేస్తుంది.
రాత్రి నిద్రపట్టకపోతే, వర్క్ ప్రెషర్ మధ్యలో ఉంటే, అరగంట నిద్ర బాగా ఉపయోగకరం.
* ఇరవై నిమిషాల నిద్ర ఎనెర్జెటిక్ గా ఫీల్ అయ్యేలా చేస్తుందని పరిశోధకులు చెబుతారు.
ఆఫీసు లంచ్ బ్రేక్ లో ఈ నిద్ర పనికివస్తుంది.
* రోజంతా పని ఉంటే, మధ్యమధ్యలో పదినిమిషాలు నిద్రపోవడం చాలా మంచిది.
ఏకధాటిగా పనిచేస్తే ఏకాగ్రత దెబ్బతినవచ్చు.అలాంటప్పడు ఇలా బ్రేక్స్ ఇస్తూ పది నిమిషాల కునుకు తీయడం మంచిది.
