సీసీటీవీ ఆవిష్కరణకు ముందు ప్రజలు దేనిపై ఆధారపడేవారో తెలిస్తే.. నవ్వే నవ్వు..

బెంగళూరు( Bengaluru ) నగరం అనేక వింతలు, విశేషాలకు నిలయం అని చెప్పవచ్చు.ఇటీవల మరొక విచిత్రమైన సంఘటన వెలుగులోకి వచ్చింది.

ఇది సోషల్ మీడియాలో చర్చనీయాంశంగా మారింది.నిహారిక రావు( Niharika Rao ) అనే యువతి ఆ విచిత్రానికి సంబంధించిన ఫోటోలను ట్విట్టర్‌లో పోస్ట్ చేశారు.

ఆ ఫోటోలు నెటిజన్లను బాగా ఆకట్టుకున్నాయి.ఈ ఫోటోల్లో ఒక టమోటా దుకాణం( Tomato Shop ) ముందు ఒక మహిళ ఫొటో కనిపిస్తుంది.

ఆమె కళ్లను చాలా పెద్దదిగా చేసుకొని కోపంగా చూస్తుంటుంది.నుదుట పెద్ద ఎరుపు బొట్టు వేసుకోవడంతో ఆమె చాలా విచిత్రంగా, భయానకంగా కనిపిస్తుంది.

టమాటాల కొనేందుకు వచ్చిన వారిని అలా ఆమె కళ్ళు పెద్దవి చేసే గమనిస్తున్నట్లుగా కనిపిస్తోంది.దీన్ని చూస్తుంటే ఒక సీసీటీవీ కెమెరా లాగా ఆమె కళ్లు పనిచేస్తున్నట్లు అనిపిస్తోంది.

ఈ పోస్ట్ కొద్దిరోజుల క్రితమే షేర్ చేయగా ఇప్పటికే 80,500 కంటే ఎక్కువ వ్యూస్, 1,500 కంటే ఎక్కువ లైకులు వచ్చాయి.ఈ ఫోటో గురించి చాలా మంది నెటిజన్లు కామెంట్లు చేస్తున్నారు.

కొందరు ఆమె ఫోటో చెడు అదృష్టాన్ని దూరంగా ఉంచడానికి ఒక తాయత్తులా పనిచేస్తుందని అనుకుంటున్నారు, మరికొందరు ఆ కూరగాయల దుకాణం( Vegetable Shop ) ఎక్కడ ఉందో తెలుసుకోవాలనుకుంటున్నారు.